Vil du vere med og utvikle framtidas helse- og omsorgstenester i vakre Nissedal ?
Vi søkjer ein engasjert, tydeleg og utviklingsorientert avdelingsleiar til våre heimebaserte tenester.

Som avdelingsleiar får du ei sentral rolle i arbeidet med å sikre gode, trygge og framtidsretta tenester til innbyggjarane våre. Du vil leie dyktige medarbeidarar og vere ein viktig bidragsytar i utviklinga av tenesteområdet. Heimebaserte tenester består av heimesjukepleia, drift av korttidsavdelinga og KAD plass samt heimehjelp.

Arbeidsoppgåver

Fagleg, personalmessig og økonomisk ansvar for avdelinga
Leie og vidareutvikle medarbeidarar og arbeidsmiljø
Sikre kvalitet, fagutvikling og god ressursutnytting
Bidra til innovasjon og utvikling av heimebaserte tenester
Samarbeide tett med brukarar, pårørande og aktuelle samarbeidspartnarar
Delta i leiargruppa og bidra til heilskapleg tenesteutvikling

Kvalifikasjonar

Relevant høgare utdanning innan helse- og sosialfag
Leiarerfaring frå heimebaserte tenester er ønskjeleg
God innsikt i offentleg forvaltning og gjeldande lovverk
Gode digitale ferdigheiter
God munnleg og skriftleg framstillingsevne på norsk

Personlege eigenskapar

Vi ser etter deg som:

Er ein tydeleg og inkluderande leiar
Har evne til å motivere og skape engasjement
Er strukturert og handterer ein travel kvardag godt
Har gode samarbeids- og kommunikasjonsevner
Er løysingsorientert og utviklingsretta

Personlege eigenskapar vil bli tillagde stor vekt.

Vi tilbyr

Ei spennande og meiningsfull leiarstilling
Moglegheit til å påverke og utvikle framtidas tenester
Eit godt fagmiljø med engasjerte medarbeidarar
Konkurransedyktig lønn
Gode pensjons- og forsikringsordningar

Vil du vere med og gjere ein forskjell for innbyggjarane våre? Då ønskjer vi å høyre frå deg.

Kontaktinformasjon

Hannelore Karlsen
Kommunalsjef velferd
Telefon: +47 92462619

Søknadsfrist

22.11.2026

Ansettelsesform

Fast

Om Nissedal kommune

Nissedal kommune ligg sør i Vest-Telemark, og er ein kommune i vekst. Treungen er administrasjonsstaden, og andre tettbygde stader er Kyrkjebygda, Fjone, Haugsjåsund og Felle.

Namnet Nissedal kjem frå innsjøen Nisser. Frå gamalnorsk blei Nisser kalla «Niðsær», der fyrste del «Nið» tyder «brusande», medan andre del «sær» tyder «sjø».

Nisser er ein av dei største innsjøane i Telemark og er eit dominerande landskapsmerke med innbydande sandstrender og svaberg omkransa av blankskura og høgreiste fjell. Den fire mil lange og 250 meter djupe innsjøen inneheld reint, klårt drikkevatn.

Langs Nisser finn ein sjeldsynte hellemålingar, gravhaugar og mange andre minne etter gamal busetjing.

I skogane og heiområda i Nissedal finn ein heile 1750 større og mindre vatn. Det er eit eldorado for dei badeglade, og på Fjone finn ein kilometerlange sandstrender. Her er også gode vilkår for kanopadling, båtsport og fiske i vatna og elvane.

Klimaet er svært bra, og terrenget innbyr til turgåing, sommar som vinter.

Næringslivet i kommunen er variert. Viktige næringar er industri og handverk, handel, reiseliv og turisme og hytteutbygging.

Vi har desentralisert skulestruktur med Tveit skule - Nissedal ungdomsskule 1-10 og Kyrkjebygda oppvekstsenter 1-7.

Vi har barnehage i Kyrkjebygda, Fjone, Treungen, Haugsjåsund og på Felle.

I Treungen er det blant anna omsorgssenter, bu- og avlastingsenter, Fleirbrukshus, bibliotek og kino.

Arbeidsgiverprofil