Os vidaregåande skule har tilbod om både yrkesfag og studiespesialisering innan idrettsfag, realfag eller språk- og samfunnsfag. Skulen har om lag 700 elevar og 130 tilsette, fordelt på to lokasjonar.

Skulen tilbyr fem yrkesfaglege utdanningsprogram: bygg- og anleggsteknikk, elektro- og datateknologi, helse- og oppvekstfag, sal, service og reiseliv, og teknologi- og industrifag.

I tillegg har vi landsliner innan anleggsteknikk og yrkessjåfør, påbygg til generell studiekompetanse og særskilt tilrettelagd opplæring.

Skulen sitt elevsyn er å møta eleven med respekt, fleksibilitet og ei positiv innstilling. Visjonen vår byggjer på føremålsparagrafen i opplæringslova: Vi arbeider med samfunnets viktigaste verdi og bidreg til ei god framtid gjennom å utvikla sosialt kompetente og fagleg dyktige elevar og lærlingar for vidare liv, utdanning og yrke.

Vi tek atterhald om at arbeidsoppgåver og struktur på avdelingar kan endrast i takt med utviklinga til skulen.

Arbeidsoppgåver

Pedagogisk leiing

Sikre kvalitet i undervisninga, følgje opp læreplanar og bidra til pedagogisk utviklingsarbeid.
Setje opp timeplanar, romfordeling og organisere undervisningsressursar.
Følgje opp elevar med behov, koordinere tiltak, samarbeide med rådgivarar og PPT.

Personalansvar

Gjennomføre samtalar, setje mål og følgje opp trivsel og arbeidsmiljø.
Fordele undervisningstimar og arbeidsoppgåver mellom lærarar.
Delta i tilsetjingsprosessar og introduksjon av nye medarbeidarar.

Administrativ drift

Følgje opp avdelingsbudsjett, bestillingar og ressursbruk.
Sikre at rutinar, vurderingspraksis og dokumentasjon følgjer regelverk.
Handsame klagar, vedtak og andre formelle prosessar.

Samarbeid og kommunikasjon

Informasjon, møter og oppfølging ved behov.
Jobbe med andre avdelingar, leiinga, eksterne aktørar og fagmiljø.
Leie avdelingsmøte, delta i leiarmøte og koordinere faggrupper.

HMS og elevmiljø

Følgje opp tryggleik, arbeidsmiljø og rutinar.
Arbeide for eit trygt og inkluderande miljø, handtere konfliktsaker og mobbing.

Ressursteam

TGjennomføre interne og eksterne ressursteam-møte saman med rådgivarar og OT/PPT
Vere med på å kartleggje behova til elevar og elevgrupper, og sikre dei tilpassa opplæring i samarbeid med lærarar ved skulen.
Næraste leiar for rådgivarane og miljøkoordinatoren, og kontaktperson for helsesjukepleiar og eventuelle kommunale samarbeidspartnarar.

Kvalifikasjonar

Ein avdelingsleiar i vidaregåande opplæring må ha kvalifikasjonar som er i tråd med krav i opplæringslova, forskrift til opplæringslova og gjeldande læreplanverk.

Undervisningskompetanse — Dokumentert fagleg og pedagogisk kompetanse i relevante fag, jf. forskrift til opplæringslova kap. 14.
Kunnskap om regelverk og rettar — God kjennskap til opplæringslova, forskrift, forvaltningslova, offentleglova og krav til dokumentasjon, sakshandsaming og elevrettar (særleg kap. 12 om elevmiljø).
Digital kompetanse — Evne til å bruke digitale verktøy og system som del av leiing, administrasjon og pedagogisk utvikling, i tråd med læreplanverket sitt krav om digital kompetanse.
Leiingserfaring er ynskjeleg
Det er ønskeleg med erfaring frå vidaregåanede opplæring.

Personlege eigenskapar

Ein avdelingsleiar på VGS er både pedagogisk leiar, personalleiar og driftsansvarleg. Rollen krev god oversikt, evne til å prioritere og sterk relasjonskompetanse.

Relasjons- og kommunikasjonskompetanse — Evne til å byggje gode, tillitsfulle relasjonar med elevar, lærarar, rådgivarar, miljøkoordinator og eksterne samarbeidspartnarar. Tydelig, varm og profesjonell kommunikasjon, både munnleg og skriftleg.
Struktur og organisering — God evne til å planleggje, prioritere og halde oversikt i ein travel kvardag med mange parallelle prosessar.
Analytisk tilnærming — Evne til å kartleggje behov hos elevar og personalet, vurdere tiltak og sjå heilskaplege løysingar.
Samarbeidsevne — Jobbar godt i team, involverer dei rette fagpersonane og bidreg til eit positivt og profesjonelt arbeidsmiljø.
Handlingskraft — Tek initiativ, følgjer opp saker og sikrar framdrift i utviklingsarbeid og elevsaker.
Konflikthandtering — Trygg i krevjande situasjonar, og i stand til å handtere konfliktar på ein roleg og profesjonell måte.
Endringsvilje — Open for utvikling, nye arbeidsmåtar og kontinuerleg forbetring av praksis.
Integritet — Opptrer etisk, rettferdig og med høg grad av profesjonell dømmekraft.

Det blir lagt stor vekt på personlege eigenskapar ved tilsetjing

Vi tilbyr

Eit aktivt og stimulerande fagmiljø.
Gode høve til eiga læring og utvikling.
Løn og lønsutvikling i tråd med tariffavtalen og Vestland fylkeskommune sin lønspolitikk.
Gode forsikrings- og pensjonsordningar.

Ferdigheter

AI-generert

Bemanningsstyring
Bruke IKT-systemer
Budsjettoppfølging
Dokumentstyring (administrasjon)
Kjennskap til forvaltningslova
Kjennskap til lovverk og regelverk
Kjennskap til opplæringsloven
Timeplanlegging (undervisning)

Spørsmål om stillingen

Kontaktperson: Harald Natvik
Stillingstittel: ass. rektor
Mobil: 93 43 43 42

Søknadsfrist

11.08.2026

Ansettelsesform

Fast

Om Vestland fylkeskommune

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.

Arbeidsgiverprofil