Fjaler kommune har ledig ei 100 % fast stilling som personalsjef. Her får du ei nøkkelrolle i kommunen si utvikling og blir ein del av kommunedirektøren si leiargruppe. Du vil arbeide breitt innan HR-området i samarbeid med leiarar, tillitsvalde, verneombod og folkevalde, og får ei sentral rolle i utviklinga av organisasjonen.

Stillinga omfattar eit heilskapleg ansvar for fagområda personal og løn, post og arkiv, politisk sekretariat, samt kvalitet, HMT og internkontroll. Du vil ha personalansvar for seks dyktige og engasjerte medarbeidarar.

Vi ønskjer ein personalsjef som er ein aktiv pådrivar i utviklingsarbeidet, som bidreg til meir effektive arbeidsprosessar, og som ser moglegheiter i digitalisering og kontinuerleg forbetring.

Du har brei HR-kompetanse og kan gi råd og rettleiing basert på både regelverk og fagleg skjønn. Du arbeider godt både sjølvstendig og i samarbeid med andre, og trivst i ein kompleks organisasjon med tett samhandling med leiarar, tillitsvalde og medarbeidarar.

Ansvar og hovudoppgåver

Du får eit heilskapleg ansvar for personal- og organisasjonsområdet, og skal bidra til å utvikle ein framtidsretta og berekraftig organisasjon.

Leiarstøtte: Opplæring og rådgjeving på HR-området.
Drive organisasjonsutvikling og endringsprosessar.
Gjennomføre lønsforhandlingar.
Ansvar for rekruttering, kompetanseutvikling og lønsfastsetting.
Utforming og oppfølging av personalpolitikk og regelverk.
Overordna ansvar for HMT, sjukefråværsarbeid, partssamarbeid.
Handsaming av politiske saker.
Sakshandsaming.

Kven ser vi etter?

Du har relevant høgare utdanning og gjerne leiarerfaring frå komplekse organisasjonar, helst i offentleg sektor. Du forstår samspelet mellom fag, organisasjon og politikk.

Høgare utdanning i relevante fag slik som HR, arbeidsrett, samfunnsvitskap el.a.
Kunnskap om HR-området både på forvaltnings- og utviklingssida.
Kunnskap og erfaring med å leie prosjekt.
Kunnskap om og erfaring med leiarstøtte.
God norsk munnleg og skriftleg framstillingsevne.

Som person og leiar er du

Trygg, tydeleg og lyttande, med evne til skape tillit og godt samarbeid med leiarar, tillitsvalde, verneombod og medarbeidarar.
Nyfiken og har god kompetanse i bruk av digitale løysingar og styringssystem.
Strukturert og systematisk.
Utviklingsorientert med evne til å sjå heilskap.

Vi legg vekt på at du er personleg eigna til stillinga.

Vi kan tilby

Ein sentral leiarposisjon med breitt handlingsrom og stor påverknadskraft.
Eit triveleg og engasjert miljø med dyktige leiarar, tilsette, tillitsvalde og verneombod rundt deg.
Konkurransedyktig løn.
Gode offentlege pensjons- og forsikringsvilkår.
Ein kommune der natur, kultur, idrett og lokalsamfunn gir gode rammer for livet utanom jobb.

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.

Kontaktpersonar:

Ola Hovland

Stilling: Kommunedirektør

mob: 95894683

E-post: ola.hovland@fjaler.kommune.no

Wenche Elveseter

tlf: +47 48021535

E-post: Wenche.Elveseter@fjaler.kommune.no

Søknadsfrist

15.08.2026

Ansettelsesform

Fast

Om Fjaler kommune

Vakre Fjaler kommune ligg i Sunnfjord i Vestland fylke, mellom fjord og fjell, om lag tre timar nord for Bergen.

Med vår flotte natur, engasjerte lokalsamfunn og spanane arbeidstilbod, er Fjaler kommune ein stad der livskvalitet står i fokus, og der menneske i alle livsfasar finn tryggleik og trivsel.

Arbeidsgiverprofil