Fusa vidaregåande skule tilbyr: Studiespesialisering og 4 yrkesfaglege utdanningsprogram; helse og oppvekst, teknologi og industrifag, naturbruk, restaurant og matfag og påbygg for vaksne-nettskule. I tillegg har vi tilbod innan TAF/YSK og HTA/HTH. Skulen har omlag 300 elevar og 50 tilsette som kvar dag arbeider mot visjonen om å vere modige- opne og kompetente. Tett samarbeid med næringslivet er ein sentral del av skulen sitt arbeid for å kunna gje ei relevant opplæring. Sjå skulen si heimeside https://www.fusa.vgs.no/

Skulens elevsyn: Fusa vidaregåande skule legg stor vekt på trivsel og eit godt læringsmiljø. Skulen vil møte eleven med respekt, fleksibilitet og ei positiv innstilling. Ut i frå ulike føresetnader vil vi bidra til at kvar elev vert ein god medborgar, og får tileigna seg relevant fagkunnskap.

Arbeidsoppgåver

Skulen har behov for omlag 60 % vikar i undervisningsstilling i hovudsak innan engelsk, men fleirfaglegheit kan vera eit førmon. Stillinga er ledig frå 1.august 2026.

Planlegging av undervisning — utvikle årsplanar, periodeplanar og undervisningsopplegg i tråd med læreplanverket LK20.
Gjennomføring av undervisning — leie læringsarbeidet i klasserom, verkstad eller andre relevante læringsarenaer.
Tilpassing av opplæring — differensiere undervisninga og støtte elevar med ulike faglege føresetnader.
Vurdering av elevar — gi undervegsvurdering, framovermeldingar og fastsetje standpunktkarakterar etter forskrift.
Klasseleiing i undervisningssituasjonar — skape struktur, ro og eit læringsfremjande miljø i timane.
Fagleg samarbeid — delta i fagteam, profesjonsfellesskap og utviklingsarbeid ved skulen.
Rettleiing av elevar i faget — støtte elevar i fagleg utvikling og arbeidsmetodar innanfor faget.
Samarbeid med kollegaer og leiing — bidra til god informasjonsflyt og koordinering i fagseksjonen.
Deltaking i kompetanseheving — halde seg fagleg og pedagogisk oppdatert.

Kvalifikasjonar

Du har formell pedagogisk utdanning og tilstrekkeleg fagleg fordjupning i faga du skal undervise i (minst 60 studiepoeng), jf. opplæringsforskrifta §12-7.
Det er ynskjeleg med undervisningserfaring.
Erfaring i bruk av IKT og varierte digitale undervisningsmetodar.
God skriftleg og munnleg framstillingsevne.

Personlege eigenskapar

Du er inkluderande og oppteken av verdien av mangfald
Du er engasjert og positiv, og legg til rette for variert undervisning og varierte vurderingsformer
Du tek initiativ til samarbeid og er ein aktiv deltakar i profesjonsfellesskapet, men er og sjølvstendig i eige arbeid
Du trivst i eit hektisk arbeidsfellesskap med elevar, miljøarbeidar, lærarar og andre hjelpeinstansar i laget rundt eleven
Du har gode evner til samarbeid, og kommuniserer godt både med elevar, tilsette og andre
Du er ein trygg og tydeleg vaksen i samspel med ungdom, er oppteken av relasjoner og elevens mestring, motivasjon og læring
Du har eit stort engasjement for faget ditt og ønskjer å dele dette
Det vert lagt stor vekt på personlege eigenskapar ved tilsetting
Du som skal tilsetjast i den vidaregåande skulen må leggje fram godkjent politiattest.

Vi tilbyr

Hos oss får du:

Ein variert og meiningsfull arbeidskvardag
Inkluderande og respektfull arbeidskultur, der det er plass til høg fagleg ambisjon og kvardagsleg humor
Løn og lønsutvikling i tråd med tariffavtalen og Vestland fylkeskommune sin lønspolitikk.
Gode forsikrings- og pensjonsordningar.

Kontaktinformasjon

Gunnar Ljones Dolve
avdelingsleiar
Telefon: 91615814

Søknadsfrist

24.06.2026

Ansettelsesform

Vikariat

Om Vestland fylkeskommune

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.

Arbeidsgiverprofil