Austrheim vgs er skulen med høg trivselsfaktor og kjempegodt skulemiljø. Skulen ligg flott til i Mastrevikane i Austrheim kommune. Med andre ord, midt i Vestland fylke. Her er det gode relasjonar mellom elevar og tilsette, variert undervisning og særs godt arbeidsmiljø. Skulen har stort fokus på utviklingsarbeid, og er alltid modig og open i si tilnærming. Skulen har omlag 275 elevar fordelt på ulike yrkesfaglege utdanningsprogram og studiespesialisering. Frå hausten 2026 startar Austrheim vgs opp med nytt utdanningstilbod vg2 overflateteknikk, med atterhald om endeleg politisk godkjenning.

Arbeidsoppgåver

Undervising og oppfølging av elevar:
- Undervisning/opplæring primært på vg2 overflateteknikk.
- Kontaktlærarfunksjon
- Andre oppgåver/funksjonar kan bli lagt til stillinga.

Du samarbeider med kollegaer og leiing i profesjonsfellesskapet, og med opplæringskontor og næringsliv om formidling av læreplass til elevane.
Du held deg orientert om utviklinga i bransjen og i fag- og yrkesopplæringa.

Kvalifikasjonar

Faglege kvalifikasjonar:

- Me søkjer deg som har fagbrev som industrimålar, eventuelt anna relevant fagbrev innan overflateknikk og/eller høgare utdanning i overflateteknikk.
- Erfaring frå overflatebehandling i industrien vil bli tillagt stor betydning.
- Det er vidare ynskjeleg med godkjend pedagogisk utdanning, dvs yrkesfaglærarutdanning eller praktisk-pedagogisk utdanning. Søkjarar som ikkje har dette, kan bli tilsett på vilkår av at slik utdanning blir gjennomført i kombinasjon med jobb.

Anna kompetanse:
- Erfaring i bruk av IKT.
- God skriftleg og munnleg framstillingsevne.

Personlege eigenskapar

Du kjenner deg igjen i verdiane våre som er open, kompetent og modig. Utover det er følgjande eigenskaper viktig:

Evne til å bygge gode relasjonar til elevane.
God på kommunikasjon.
Vilje og evne til å tenkje nytt for å utvikle undervisninga.
Gode samarbeidsevner og vilje til lagspel.

Du som skal tilsettast i vidaregåande skule må leggje fram godkjent politiattest.

Det vert lagt stor vekt på personlege eigenskapar ved tilsetting.

Vi tilbyr

Eit aktivt og stimulerande fagmiljø.
Gode høve til eiga læring og utvikling.
Løn og lønsutvikling i tråd med tariffavtalen og Vestland fylkeskommune sin lønspolitikk.
Gode forsikrings- og pensjonsordningar.
Eit særs godt arbeidsmiljø.

Kontaktinformasjon

Helge Dyrkolbotn
avdelingsleiar
Telefon: 41662610

Frode Hervik
rektor
Telefon: 90565217

Søknadsfrist

31.05.2026

Ansettelsesform

Fast

Om Vestland fylkeskommune

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.

Arbeidsgiverprofil