Hjartdal kommune søkjer etter sommarvikarar innanfor ulike tenesteområder:
• Heimesjukepleietenesta søkjer etter assistentar, helsefagarbeidarar og sjukepleiarar til arbeid både dag/ kveld, natt og helg.
• Tenesta praktisk bistand- heimehjelp søkjer etter assistentar for arbeid på dagtid i veka.
• Hjartdal omsorgssenter søkjer etter sjukepleiarar, helsefagarbeidarar og assistentar til arbeid dag/kveld/natt og helger.
Me ser gjerne at du har erfaring frå tilsvarande arbeid og kjenner fagområda frå før – sjølv om dette ikkje er ei føresetnad.
Me ynskjer at du er ein person med interesse for fagområdet, har ståpåvilje og er lojal. Du er fleksibel, samarbeidsviljug og ynskjer å jobbe når vi treng deg. Dei som blir tilsett må vere personleg egna for stillinga.
Kva kan du forvente?
Kva ynskjer vi frå deg?
Du må ha førarkort klasse B for å jobbe i Heimetenesta og som Praktisk bistand – Heimehjelp.
Dei som blir tilsett må leggje fram gyldig politiattest.
Velkommen til Hjartdal – det nære alternativet.
Hjartdal kommune ligg sentralt i Aust-Telemark og har ca.1600 innbyggjarar. Den består av bygdene Sauland, Tuddal og Hjartdal. Sauland er kommunesenteret, og ligg ca. 20 min frå Notodden, ca. 30 min frå Seljord og ca. 50 min frå Kongsberg langs E-134.
Kommunen vår er ein god bu- og oppvekstkommune med trygge rammer for menneskje i alle livets faser. Med trygg og god skule, barnehagar og omsorgssenter er kommunen vår flott å vekse opp i - og bli gammal i. Her får du servert god plass og flott natur ved foten av Gaustatoppen. Du vil finne roa i naturen, spenning i aktivitetstilbod og byliv ein liten køyretur unna.
Hjartdal er ein attraktiv hyttekommune og Tuddal - på solsida av Gaustatoppen - er ”turistbygda” med lange tradisjonar for å ta imot gjester. Kommunen har sterke landbrukstradisjonar og kulturtradisjonar knytt til folkemusikk, tradisjonshandverk og utvald kulturlandskap.
I vår kommune skjer det mykje. Vi engasjerer oss, stiller opp og bryr oss om lokalsamfunnet. Vi lyttar til innbyggjarane, og skapar rom for påverknad. Slik utviklar vi oss til å bli ein kommune for deg og dine!
Hjartdal kommune er ein del av Kongsbergregionen.