104 ledige stillinger funnet med søkeord ""

Filtrer søk
Filtrer søk
Enhetsleder økonomi
Nord-Odal kommune
Sand, Nord-Odal, Norge
07/04/2026
Søknadsfrist:
07.04.2026
Back to job list
Tilbake

Fysioterapeut - 100% fast

Vinje kommune
Søk her!
Åmot, Norge
08/04/2026
Helse - Sosial - Omsorg

Vinje er kommunen for deg som søkjer vakre naturopplevingar!

  • Du som likar å jakte, fiske og drive med ulike friluftsaktivitetar
  • Du som trivst best i slalombakken, i langrennsløyper innover vidda eller på høge toppar
  • Du som blir lokka av det nære og trygge
  • Du som trivst i eit lokalmiljø der ting skjer
  • Du som vil få til noko

    - Du kjem til å trivast her i Vinje! 

Vinje kommune ser etter ein ny fysioterapeut til vår fagleg engasjerte og trivelege fysio-ergoterapiavdeling. Hjå oss får du ein spanande arbeidskvardag i eit godt arbeidsmiljø. Tverrfagleg samarbeid er viktig for oss, og me er stolte av å ha høg kompetanse i alle ledd av dei kommunale tenestene. Vinje kommune er positiv til kreative utviklings- og fornyingsidear, og du har store moglegheiter til å påverke arbeidskvardagen din.

Fysio- og ergoterapiavdelinga er organisert  under verksemda helse og førebygging, saman med legekontor, helsestasjon- og skulehelsetenesta, kommunepsykolog og det interkommunale jordmorsamarbeidet. Avdelinga består i dag av 3 kommunale fysioterapeutar, 2 ergoterapeutar og 3 fysioterapeutar med driftstilskot. 

Arbeidsoppgåver

Hovudarbeidsoppgåva er tverrfagleg rehabilitering på ei velfungerande korttidsavdeling, med fagleg engasjerte og kreative tilsette. Me er gode på tverrfagleg samarbeid!

  • Rettleiing og rådgjeving til pasientar, pårørande og andre samarbeidspartnarar
  • Habilitering/rehabilitering i heimen
  • Lærings- og meistringskurs 
  • Instruktør i gruppetrening på dagtid, i regi av Frisklivssentralen
  • Deltaking i utviklings- og forbetringsarbeid i form av grupper eller prosjekt

Kvalifikasjonar

  • Autorisasjon som fysioterapeut  
  • Kompetanse og/eller erfaring innan rehabilitering 
  • God framstillingsevne i norsk, munnleg og skriftleg 
  • Førarkort klasse B 

Personlege eigenskapar

  • Du har gode samarbeidsevner
  • Du har fagleg engasjement, og evne til å bidra i fagleg utvikling
  • Du har godt humør, likar utfordringar og er løysningsorientert
  • Du er fleksibel og omstillingsdyktig
  • Du har evne til å arbeide både sjølvstendig og i team
  • Du har gode kommunikasjons- og samhandlingsevner

Me legg vekt på personlege eigenskapar ved tilsetting.

Vi tilbyr

  • Særs gode kollegaer
  • Eit arbeidsmiljø prega av høg kompetanse, fagleg trygge og dyktige arbeidskollegaer
  • Rom for fagleg utvikling
  • Løn etter utdanning og kvalifikasjonar, Vinje har eigen lokal lønstige og gode lønsvilkår
  • Tilsetjing på vanlege kommunale vilkår
  • Køyregjodtgjersle
  • Gratis skulemat
  • Gratis SFO 1.-3. klasse
  • God forsikrings- og pensjonsordning
  • Aktivitetskortordning med gåvekort, og mogelegheit for å vinne flotte premiar

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

For stillingar der det er krav om politiattest, må godkjend attest leggast fram før tilsetting.

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Elisabet Smalås Haagensen
Avdelingsleiar friskliv, fysio- og ergoterapitenesta
Telefon: +47 40903666

Søknadsfrist

12.04.2026

Ansettelsesform

Fast
Om Vinje kommune

Nasjonalparkkommunen Vinje byr på spanande kontrastar. Her møter kultur og folkekunsttradisjonar eit blømande og moderne næringsliv. Rolege og blide kulturlandskap møter ville og majestetiske høgfjell. Brusande elver møter stille fjellvatn.

Med eit areal større enn Vestfold fylke har kommunen rikeleg med tumleplass, der dei kontrastfylte årstidene på mange vis legg premissane for det breie utvalet av friluftsaktivitetar.

Åmot er eit regionalt handelssenter, med eit rikt tilbod av varer og private og offentlege tenester. Haukeli og Rauland er sentra i attraktive turistområde, der ein av landets mest omfattande hytteutbyggingane har funne stad gjennom fleire år.

Inntektene frå den store kraftproduksjonen i Vinje har gjort det mogleg å utvikle eit høgt nivå på den kommunale tenesteytinga - ikkje minst innanfor skule, helse og omsorg.

Go to job list