| Søknadsfrist: |
13.04.2026
|
Stillinga er ledig frå april-26.
Arbeidsstad: Omsorgstenesta Jondal, Vikevollen sjukeheim og heimebaserte tenester
Omsorgstenesta i Jondal er ei samordna teneste som består av Vikevollen sjukeheim, med 18 langtidsplassar, 4 korttidsplassar og Heimebaserte tenester som har sin base på sjukeheimen. Heimebaserte tenester har ansvar for eit bukollektiv med 9 rom i same bygg. Det er ca 60 pasientar knytt til heimebaserte tenester. Som sjukepleiar vil du arbeide i turnus med ordinære vakter og 3. kvar helg både ved sjukeheimen og i heimebasert omsorg, du vil få arbeid i eit tverrfagleg miljø med fysioterapeutar, tilsynslege og helsefagarbeidarar, det er noko av det som gjer denne jobben så spennande og variert!
Nødvendig helsehjelp
Medisinsk behandling i samråd med fastlege/ tilsynslege
Dokumentasjon etter gjeldande lover
Personleg bistand under stell og pleie
Observere, vurdere og iverksetje nødvendige tiltak, samt evaluere sjukepleien som vert gitt den enkelte pasient
Samarbeide med pårørande og samhandle med interne og eksterne instansar
Delta i utvikling av tenesta og vegleiing av eigne kollegaer
Medansvarleg for ei forsvarleg forvaltning av tenesta sine ressursar
Arbeide etter og bidra til forbetring av gjeldande rutinar
Norsk autorisasjon som sjukepleiar
Gode digitale ferdigheiter
Gode kommunikasjonsferdigheiter både muntleg og skriftleg,
Norsk eksamen minimum B2 nivå.
Førarkort bil
Ein trygg og stabil medarbeidar med sunne verdiar og haldningar
Sjølvstendig, men som og trives med å arbeide i team
Komfortabel med ein aktiv arbeidskvardag, og bidreg til eit godt arbeidsmiljø
Varierte arbeidsoppgåver
Lønn etter hovudtariffavtalen
Rekrutteringsstipend for nytilsette, turnustillegg samt bustøtte
Gode moglegheiter for kompetanseheving med støtte frå kommunen
Inkluderande arbeidsliv, gode permisjons- og pensjonsvilkår.
Politiattest jfr gjeldande lov Helse og omsorgstenestelova §5-4
Krav til førarkort: Klasse B
Ullensvang kommune er omfatta av ordninga.
Alle som bur i ein av dei 189 kommunane på SSBs sentralitetsnivå 5 og 6 kan få sletta 25 000 kroner av utdanningsgjelda i året frå januar 2026. Du må vera busett i ein av desse kommunane, og vera yrkesaktiv, i minst eitt år. Du vil få sletta utdanningsgjeld kvart år, fram til gjelda er nedbetalt. Tiltaket gjeld all typar utdanningsgjeld, uavhengig av når ho er teken opp. Ein person som bur i ein av desse kommunane frå 1. januar 2025, eller flyttar dit når som helst etter denne datoen, vil etter eitt års butid vera kvalifisert til å få sletta gjeld.
Utgangspunktet er at alle søkjarnamn er offentlege etter Offentleglova. Det betyr at ditt namn vert gjort offentleg på kommunen si postliste når du har søkt ledig stilling.
For å gjera unntak må kommunen ha heimel i lova og vurdera konkret i kvar sak kva som er grunnen til unntaket.
I følgje offentleglova § 25 vert det stilt følgjande krav for å få unntak:
"Det kan likevel gjerast unntak frå innsyn for opplysningar om ein søkjar dersom vedkommande sjølv ber om det. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga. I utlysinga skal det gjerast oppmerksam på at opplysningar om søkjaren kan bli gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teke til følgje, skal søkjaren varslast om dette.
Dei som vert tilsett i Ullensvang kommune får tilsendt arbeidsavtale til digital signering. Du får tilsendt sms og e-post med link til digital arbeidsavtale. Viss du har fått munnleg melding om at du er tilsett vil du få tilsendt arbeidsavtale. Viss du ikkje får e–post i innboksen din, sjekk uønska e-post/søppelpost, eller fylge følgjande link: https://signering.posten.no/
Ein ny, livskraftig og attraktiv kommune i Hardanger.
Ullensvang kommune er ein attraktiv stad å bu, arbeida og starta næringsverksemd! Vi kan tilby spennande og meiningsfulle arbeidsoppgåver i ein kommune som er i utvikling. Her finn du fjord, fjell, fonn, frukt, landbruk, havbruk og verdsleiande industri i ein og same kommune. Kommunen har omlag 11 100 innbyggjarar, der Odda er administrasjonssenter i kommunen omkransa av sterke bygder.
Oppdraget vårt er å levera gode tenestar, vera ein god samfunnsutviklar og arbeide for vidare vekst og utvikling i kommunen. Gjennom motiverte og dyktige medarbeidarar løyser vi dette viktige samfunnsoppdraget, og ynskjer å ha fleire med på laget.
Tar du utfordringa ?