93 ledige stillinger funnet med søkeord ""

Filtrer søk
Filtrer søk
Back to job list
Tilbake

Vernepleiar - 100 % fast

Vinje kommune
Søk her!
Åmot, Norge
20/01/2026
Helse - Sosial - Omsorg

Vil du jobbe med menneske, utvikle deg fagleg og få støtte frå dag ein?

Ved Svingen og Reini bufellesskap søkjer me ein engasjert vernepleiar som vil vere med å skape trygge og gode tenester for bebuarane våre.

Svingen og Reini er moderne bufellesskap med høvesvis 11 og 4 leilegheiter, og gode fellesareal både inne og ute. Me yter tilrettelagte tenester til menneske med ulike funksjonsnedsettingar i alle aldrar, og med varierande behov for hjelp. Arbeidet vårt handlar om å støtte den enkelte i kvardagslege gjeremål, med respekt og fagleg tryggleik.

Som nytilsett hos oss får du ein mentor som fylgjer deg tett. Du får tid til refleksjon, rettleiing og støtte – slik at du kjem godt i gang og blir trygg i rolla. Dette er ein del av vårt arbeid for å sikre god opplæring og trivsel frå fyrste dag.

Hos oss møter du eit godt arbeidsmiljø og ein positiv gjeng som støttar kvarandre. Me har eit breitt fagleg fokus og jobbar aktivt for å halde oss oppdaterte, slik at bebuarane får eit best mogleg tilbod. Me legg vekt på utvikling, kompetansebygging, tverrfagleg samarbeid og bruk av ny teknologi.

Stillinga inngår i turnus med arbeid kvar fjerde helg.

Arbeidsoppgåver

  • Målretta miljøterapi og oppfylging av psykisk og fysisk helsetilstand hjå bebuarane
  • Kontakt med pårørande, verge og ulike samarbeidspartnerar
  • Koordinerande funksjon
  • Ansvarsvakt
  • Utarbeide vedtak etter kap. 9.
  • Fylgje opp og evaluere tiltak
  • Rettleiing til personalgruppa i faglege spørsmål
  • Medikamenthandtering

Kvalifikasjonar

  • Autorisasjon som vernepleiar, men andre med relevant høgskuleutdanning kan også søkje
  • Ynskeleg med erfaring frå miljøarbeid
  • God munnleg og skriftleg framstillingsevne 
  • Førarkort klasse B for manuelt gir

Personlege eigenskapar

  • Du nyttar fagkunnskapen aktivt i det daglege arbeidet og bidreg til fagleg utvikling gjennom deling og samarbeid.
  • Du er fleksibel  og har god evne til å planleggje og organisere arbeidet ditt.
  • Du tek ansvar, er tydeleg og kan sei ifrå når det trengs. 
  • Du er engasjert, har godt humør og bidreg aktivt til eit inkluderande og positivt arbeidsmiljø. 
  • Du arbeider sjølvstendig, men trivst også med samarbeid i team.
  • Du skapar trygge, gode relasjonar med bebuarar, pårørande og kollegaer.
  • Du er open for å ta i bruk velferdsteknologi som ein del av tenesteytinga, og ser moglegheiter i digitale løysingar.

Me legg vekt på personlege eigenskapar ved tilsetjing.

Me tilbyr

  • Vernepleierar får eit lokalt tillegg på kr 48.000 over gjeldande tariff i 100 % stilling
  • Mentorprogram med oppfylging og støtte frå erfaren kollega
  • Fagleg rettleiing og kompetanseheving
  • Gode velferdsordningar med tilbod om bading i kommunale anlegg
  • God forsikrings- og pensjonsordning

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Hjørdis Ringhus Saupstad
Avdelingsleiar Svingen og Reini
Telefon: +47 97028218

Søknadsfrist

15.02.2026

Ansettelsesform

Fast
Om Vinje kommune

Nasjonalparkkommunen Vinje byr på spanande kontrastar. Her møter kultur og folkekunsttradisjonar eit blømande og moderne næringsliv. Rolege og blide kulturlandskap møter ville og majestetiske høgfjell. Brusande elver møter stille fjellvatn.

Med eit areal større enn Vestfold fylke har kommunen rikeleg med tumleplass, der dei kontrastfylte årstidene på mange vis legg premissane for det breie utvalet av friluftsaktivitetar.

Åmot er eit regionalt handelssenter, med eit rikt tilbod av varer og private og offentlege tenester. Haukeli og Rauland er sentra i attraktive turistområde, der ein av landets mest omfattande hytteutbyggingane har funne stad gjennom fleire år.

Inntektene frå den store kraftproduksjonen i Vinje har gjort det mogleg å utvikle eit høgt nivå på den kommunale tenesteytinga - ikkje minst innanfor skule, helse og omsorg.

Go to job list