2 ledige stillinger funnet med søkeord "avdelingsleiar yrkesfag voss vgs"

Filtrer søk
Filtrer søk
avdelingsleiar yrkesfag voss vgs
Back to job list
Tilbake

Avdelingsleiar yrkesfag, Voss vgs

Vestland fylkeskommune
Søk her!
Skulestadmo, Norge
02/10/2026
Ledelse Undervisning - Pedagogikk


Vil du vere med og forme framtida og utvikle framtidsretta vidaregåande opplæring?

Voss vidaregåande skule søkjer ein engasjert og utviklingsorientert avdelingsleiar. Avdelingsleiar deltar i  rektor si leiargruppe og har pedagogisk, personal- og økonomiansvar for avdelinga. Vi har som ambisjon og målsetjing at alle elevar skal fullføre, og at opplæringstilbodet heile tida vert forbetra.

Voss vidaregåande skule er ein moderne skule med om lag 450 elevar og om lag 130 tilsette fordelt på fem utdanningsprogram: bygg- og anleggsteknikk, elektro og datateknologi, restaurant- og matfag, naturbruk og teknologi- og industrifag. Skulen har òg ei eiga avdeling for tilrettelagt opplæring. Voss vgs arbeider aktivt med å utvikle organisasjonen slik at tilbodet til kvar enkelt elev skal bli det beste moglege. Skulen har mange ambisjonar og har som mål å vere mellom dei leiande skulane innanfor programområda vi tilbyr. Ved Voss vgs har vi fokus på læring gjennom praksis og tett samarbeid med lokalt og regionalt næringsliv.
Sjå meir informasjon om skulen på heimesida vår.

Arbeidsoppgåver

Avdelingsleiar

  • har personalansvar og økonomi- og budsjettansvar for avdelinga 
  • sørgjer for god fagleg-pedagogisk utvikling og god kvalitet på undervisninga på avdelinga
  • ivaretar samarbeid med arbeids- og næringsliv, opplæringskontor og andre samarbeidspartar
  • utviklar avdelinga i samsvar med mål og visjon for skulen
  • deltar i utviklinga av skulen og profesjonsfellesskapet saman med leiargruppa

Kvalifikasjonar

Du har

  • undervisningskompetanse i fag for vidaregåande skule
  • god kjennskap til vidaregåande opplæring og relevant erfaring
  • god skriftleg og munnleg framstillingsevne og god digital kompetanse
  • erfaring med administrative program innanfor t.d. skuleårsplanlegging og økonomistyring

Det er ønskjeleg at du har skuleleiarutdanning og/eller -erfaring

Personlege eigenskapar

Me søkjer ein leiar som 

  • er open, nytenkjande og byggjer relasjonar prega av tillit 
  • set elevane si læring og deira utvikling i sentrum for skulen sitt arbeid 
  • har gode samarbeidsevner og er samlande, sosial og inkluderande  
  • har evne til å arbeide målretta, systematisk og løysingsfokusert
  • trivst med varierte arbeidsoppgåver og eit høgt tempo

Vi tilbyr

  • eit profesjonsfellesskap med høg fagleg kompetanse og sterkt elevfokus
  • løn og lønsutvikling i tråd med Vestland fylkeskommune sin lønspolitikk
  • fylkeskommunale tilsetjingsvilkår med gode pensjons- og forsikringsordningar 
Tilsetting skjer på grunnlag av lov- og avtaleverk og føreset godkjent politiattest.

Kontaktinformasjon

Magnhild Hakestad
Rektor
 Telefon:97737676
 E-post:magnhild.hakestad@vlfk.no 

Søknadsfrist

25.10.2026

Ansettelsesform

Fast
Om Vestland fylkeskommune

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.

Go to job list