Vil du vere med å drive og vidareutvikle heimetenesta i Sogndal kommune? Me har ledig fleire sjukepleiar- og vernepleiar stillingar – både vikariat og faste.

Me har ledige føgjande faste stillingar:
3 x 100% fast sjukepleiar
1 x 75 % fast sjukepleiar
2 x 100% fast vernepleiar

Me har ledige følgjande vikariat:
1 x 90 % vikariat sjukepleiar fram til utgang august 2027
1 x 100% vikariat sjukepleiar fram til utgang september 2027
1 x 75 % vikariat sjukepleiar fram til utgang juli 2027

Vikariata har moglegheit for å bli forlenga.

Heimetenesta er ei teneste i utvikling med stor breidde i oppgåvene og i brukargruppa. I Sogndal arbeider me med alt frå vurderingsteam og kvardagsrehabilitering med fokus på rehabilitering og tidleg innsats, til oppfølging av pasientar med omfattande pleiebehov og palliativ omsorg.

Arbeidskvardagen vår er allsidig og spanande. Det er fokus på å bygge tverrfagleg samarbeid i tenesta, og me jobbar kontinuerleg for brukarmedverknad og fokus på meistring og tryggleik hjå brukarane våre. Me satsar på auka bruk av velferdsteknologi og digitale løysingar, og er i oppstartfase for digitale heimetenester.

Hjå oss blir du del av eit stort fagmiljø. Kommunen har blant anna rådgjevarar for helse og omsorg, fagsjukepleiarar og andre som arbeider saman med tenesta for å bygge fagleg sterke og gode tenester.

Du får bruke din faglege kompetanse i både avanserte prosedyrar og i det nære og relasjonelle arbeidet. Me har eit viktig samfunnsoppdrag; å legge til rette for at flest mogleg kan bu trygt i eigen heim, og motta naudsynt helsehjelp.  

Arbeidstid

3-delt turnus
Moglegheit for arbeid 3 .kvar helg eller langvakter 4. kvar helg
Fleksible turnusløysingar og årsturnus; me ser på nye løysingar med blant anna langvakt både kvardag og helg.

Kva skal du jobbe med?

Pleie- og omsorgsoppgåver til heimebuande.
Planlegge, observere og dokumentere brukarar sitt behov, vurdere endringar, utarbeide og iverksette tiltak.
Utføre sjukepleieoppgåver i samråd med gjeldande krav til kvalitet og lovverk.
Undervise og rettleie andre kollegaer, brukarar, pårørande og studentar.
Samarbeid med pårørande og andre relevante faggrupper /tenester.
Bruk av velferdsteknologi og digitale løysingar. Me er i prosess med å avklare korleis organisere digitale heimetenester, og me har starta opp med medisindispensarar.

Kva får du hjå oss?

Ein spanande arbeidsplass med høg fagleg kompetanse
Gode moglegheiter for fagleg og personleg utvikling
Støtte og oppfølging frå eigen fagsjukepleiar. Me vil legge opp til eit opplæringsløp etter individuelle behov
Gode pensjons- og forsikringsordningar
Gode velferdsordningar og løn etter tariff

Kvalifikasjonar

Du har 3-årig sjukepleie-/vernepleieutdanning, og har norsk autorisasjon som sjukepleiar /vernepleiar.
Det er eit ønskje at du har erfaring frå kommunehelseteneste.
Du interesserer deg for eldreomsorg, fordel med relevant vidareutdanning.
Du interesserer deg for fagutvikling og kvalitet i tenesta.
Du har IKT-kunnskapar og ønskjer å setje deg inn i nye system.
Du beherskar norsk skriftleg og munnleg, og har god kommunikasjonsevne. Krav om bestått Norskprøve B2, både skriftleg og munnleg.

Gyldig politiattest som ikkje er eldre enn 3 månadar må leggast fram før tilsetjing.

Me ønskjer eit arbeidsmiljø prega av mangfald, og at våre tilsette skal spegle folkesetnaden elles. Me oppmodar alle som er kvalifiserte, til å søkje jobb hjå oss, uansett alder, funksjonsevne, kjønn eller minoritetsbakgrunn. Me legg vekt på å leggje til rette arbeidsforholda dersom du har behov for det.

Administrasjonsmålet i kommunen er nynorsk. Alle nytilsette får ei prøvetid på seks månader.

Ifølgje offentleglova § 25 andre ledd kan opplysningar om søkjaren bli offentleggjorde, sjølv om du har oppmoda om ikkje å bli ført opp på offentleg søkjarliste. Dersom du har bede om unntak frå offentleg søkjarliste, vil du alltid bli varsla før søkjarlista vert offentleggjord.

Me gler oss til å ønskje deg velkomen – intervju og tilsetjingar skjer fortløpande, så søk no!

Kontaktperson:

Johanne Gjesdal Mo

Stilling: Tenesteleiar

mob: +47 90401165

E-post: johanne.gjesdal.mo@sogndal.kommune.no

Søknadsfrist

11.10.2026

Ansettelsesform

Fast, Vikariat

Om Sogndal kommune

Velkommen til fagre Sogn! Staden der du kan kombinere ei spanande karriere med eit liv i frisk luft og fantastiske omgjevnadar.

Sjekk ut sogn.no for fleire grunnar til å kome til Sogndal og Sogn. Sogndal kommune vart etablert 01.01.2020 etter kommunereforma. Det er ca. 12.000 innbyggjarar i kommunen, i tillegg er me vertskommune for over 3.000 studentar gjennom studieåret. Sogndal er regionsenteret i Sogn. Kommunen har om lag 1300 medarbeidarar. Kvar dag leverer me gode tenester i tråd med innbyggjarane og næringslivet sine behov. Me har sett oss som mål å vere ein framtidsretta og kunnskapsbasert samfunnsutviklar med fortrinn innan reiseliv, unike kompetansemiljø og innovasjon.

Arbeidsgiverprofil