Slåtthaug videregående skole ligg i naturskjønne omgivnader nær Nesttun sentrum. Det er kort veg til buss- og bybanestopp, og me har Fana Arena og Slåtthaug kunstisbane rett i nærleiken. Skolen har ca 500 elevar fordelt på utdanningsprogramma BA,EL, HO, TIF og påbygging til generell studiekompetanse.

Vi har eit mangfaldig elevmiljø og engasjerte tilsette. Her ser vi på alle utdanningsvegar som likeverdige, og er opptatte av at elevane skal oppleve trygg, aktiv læring i alle klasserom og verkstader.

Vil du vera med å utdanna framtidas yrkesfagarbeidar?

Vi søkjer faglærar til ei heil, fast stilling i programfag på TIF. Kontaktlærar funksjon kan bli lagt til stillinga.

Ønsket oppstart 01.10.26

Arbeidsoppgåver

Praktisk og teoretisk undervisning innan fagområdet teknologi- og industrifag
Tett oppfølging av einskilde elevar og elevar i praksis.
Skape og utvikle opplæringa i samarbeid med elevar, kollegaer og skuleleiing.
Utarbeiding og oppdatering av undervisningsplanar og læringsmateriell i tråd med gjeldande læreplan og forskrifter.
Halde seg informert om utviklinga i bransjen.
Halde god kontakt med bedrifter og samarbeide med arbeidsliv.
Arbeide systematisk for at elevane skal lære fagleg og sosialt.
Samarbeide og utvikle arbeid i tråd med skulen sin utviklingsplan.

Kvalifikasjonar

Til alle stillingar er det krav om relevant fagleg og pedagogisk kompetanse.
Du har minimum fagbrev og relevant erfaring frå mekanisk industri eller bilbransjen, t.d. industrimekanikarfaget, bilmekanikarfaget eller anna relevant yrkesfag.
Det er ønskjeleg med fagskule og pedagogisk utdanning.
God munnleg og skriftleg framstillingsevne.
God digital kompetanse.

Dersom du manglar delar av utdanningskrava er det gode ordningar for vidareutdanning og kvalifisering.

Personlege eigenskapar

Du er inkluderande og oppteken av verdien av mangfald, og du likar å jobbe med ungdom.
Du har god pedagogisk forståing.
Du er engasjert og positiv, og legg til rette for variert undervisning.
Du tek initiativ til samarbeid og er ein aktiv deltakar i profesjonsfellesskapet, men er òg sjølvstendig i eige arbeid.
Du trivst i eit hektisk arbeidsfellesskap med elevar, miljøarbeidarar, lærarar og andre hjelpeinstansar i laget rundt eleven.
Det vert lagt stor vekt på personlege eigenskapar ved tilsetting.
Du som skal tilsettjast i vidaregåande skule må leggje fram godkjent politiattest.

Vi tilbyr

Løn i tråd med tariffavtalen og Vestland fylkeskommune sin lønspolitikk.
Gode forsikrings- og pensjonsordningar.

Tett kollegasamarbeid og god delingskultur.
Eit inspirerande og nyskapande profesjonsfellesskap.

Eit meget godt arbeidsmiljø som er prega av tillit og godt humør.

Spørsmål om stillingen

Lasse Steinegger
avdelingsleiar

Ingvill Rabben Dypevik
Rektor

Søknadsfrist

20.09.2026

Ansettelsesform

Fast

Om Vestland fylkeskommune

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.

Arbeidsgiverprofil