Vi har ledig 50 % fast stilling som helsefagarbeidar på natt ved Ostereidet omsorgsbustad pluss. Med årsturnus og arbeid i snitt kvar tredje helg får du gode moglegheiter til å planleggje balansen mellom arbeid og fritid.

Om avdelinga

Ostereidet omsorgsbustad pluss består av 28 leiligheter med fast bemanning heile døgnet.

Bebuarane som bur her har ulike behov for oppfølgning.

Avdelinga jobbar tett saman med heimetenesta som har lokale i samme bygg. Vi prøver ut "sjukepleiar på topp" slik at ein som sjukepleiar har ansvar for sjukepleiaroppgaver for brukarar i omsorgsbustadane og heimebuande.

Hos oss blir du del av eit breitt fagmiljø med sjukepleiarar, helsefagarbeidarar, assistentar, reinhaldspersonale og kjøkkenpersonale, i tillegg til lærlingar og praksiskandidatar. På natt er det to tilsette på jobb så du vil alltid arbeide med andre.

Arbeidsoppgåver

Gje omsorgsfull og fagleg forsvarleg helsehjelp
Vurdere og følgje opp den enkelte bebuar sine behov
Bidra til tryggleik og ro for bebuarane gjennom natta
Samarbeide med kollegaer og andre fagpersonar

Kompetanse

Norsk autorisasjon som helsefagarbeidar
Gode norskkunnskapar, skriftleg og munnleg
Dersom du er utdanna utanfor Norden treng du godkjend B2– test

Personlege eigenskapar

Vi ser etter deg som:

Er glad i menneske. Du blir motivert av å jobbe med menneske og bruke faget til beste for tenestemottakar.
Er ei nattugle. Du trivst med nattarbeid og held fokus oppe.
Er sjølvstendig. Du tek ansvar og finn gode løysingar.
Er fagleg sterk. Du held roen i akutte situasjonar og prioriterer godt.
Er positiv. Du bidreg til godt humør blant kollegaer og brukarar.
Er ein lagspelar. Du bidreg til godt samarbeid med brukarar, pårørande og kollegaer.
Er villig til å lære opp og dele kompetanse med kollegaer, studentar og lærlingar.
Er framtidsretta. Du er open for nye arbeidsmåtar og digitale løysingar.

Vi tilbyr

Kollegaer med høg fagleg kompetanse
Eit positivt og inkluderande arbeidsmiljø
Ein aktiv kvardag med mange spennande og varierte utfordringar
Gratis parkering
Fagleg utvikling
Årsturnus
Tilsetjing i samsvar med gjeldande lov- og avtaleverk
Løn i samsvar med ansiennitet: 452 500 - 528 300
God pensjonsordning gjennom KLP

Vi er Alver

Bli kjent med Alver kommune

Politiattest

I tråd med helse- og omsorgstenestelova § 5-4 vert det stilt krav om tilfredsstillande politiattest ved tiltrede.

Velkommen til Alver kommune!

Sjukeheimstenesta i Alver kommune består av

4 sjukeheimar: Knarvik sjukeheim, Lindås bu-og servicesenter, Meland sjukeheim på Frekhaug og Velferdssenteret på Manger. Sjukeheimstenesta har totalt 175 plassar fordelt på korttidsplassar og langtidsplassar for somatikk og demens, palliative plassar, rehabiliteringsplassar og plassar til rullerande avlastning.

2 omsorgsbustad pluss avdelingar: ein på Manger med 22 leiligheter og ein på Ostereidet med 28 leiligheter. Her bur bebuarane i eigne leiligheter og omsorgsbustadane er bemanna 24/7.
Kommunalt kjøkken og ressursbank er òg organisert i sjukeheimstenesta.

Spørsmål om stillinga

Sølvi Ulvund
Einingsleiar Ostertunet omsorgsbustad pluss
+4794503159
solvi.ulvund@alver.kommune.no

Søknadsfrist

22.06.2026

Ansettelsesform

Fast

Om Alver kommune

Alver kommune er ein heilt ny kommune! Vi ein av dei største kommunane i fylket med ca 30.000 innbyggjarar og 2650 tilsette. Vi treng fleire engasjerte og kompetente medarbeidarar!

Arbeidsgiverprofil