| Søknadsfrist: |
01.06.2026
|
Skogsvåg skule ligg like sør for Skogsskiftet. Frå skulen er det om lag 15 minutt å køyra til Straume. Skulen ligg i et flott naturområde, med kort veg både til toppen av Storaskjenet og til sjøen i Kvalvågen. Skulen skal no tilsetja ein miljøterapeut. Stillinga følgjer arbeidsåret og arbeidstida til lærarane. Stillinga inneheld undervisningstid, elevretta tid, samt bunden og ubunden tid. Miljøterapeuten får ein nøkkelfunksjon ved skulen og skal arbeida tett på elevane. I skuleåret 2025/26 oppretta skulen ein operativ meistringsarena med tilbod gjennom heile veka. Elevar på tvers av trinn får tilbod om undervisning i mindre grupper og her får miljøterapeuten ei sentral rolle. Øygarden kommune arbeider etter BTI-modellen (betre tverrfagleg innsats) og har faste BTI-møte. Miljøterapeuten deltek i dette arbeidet og får samarbeide inn mot BTI-arbeid, skulemiljøsaker og enkeltelevar som treng ekstra støtte. Vi vil tilby ein skreddarsydd timeplan ut ifrå behova til skulen og elevane, og arbeidsplan vil vera ferdig utforma. Skogsvåg skule har rike tradisjonar knytte til song og musikk, kystkultur og til det som rører seg i lokalmiljøet. Visjonen til skulen er: «Hand i hand løfter vi kvarandre fram.» Desse orda betyr mykje for dei tilsette og skal vise seg i arbeidet vårt med relasjonene mellom vaksne og barn. Vi jobbar aktivt med «VI-skulen», felles praksis og at alle elevane ved skulen er våre elevar. Skulen er godkjend som dysleksivenleg skule og arbeider systematisk med utviklingsarbeid knytt til lesing. I skuleåret 2025/26 starta vi utviklingsarbeidet «TRYGG», der heile skulen jobbar for at både elevar og vaksne skal vere trygge. Skulen har utarbeida eit felles årshjul med mål, tema, samt materiell. Vi arbeider også for inkluderande klasserom eit klasserom for alle. Skogsvåg skule er også med i UNESCO sitt skulenettverk.Dette skuleåret har vi 240 elevar. Administrasjonen består av rektor, avdelingsleiar på 1.4. trinn, avdelingsleiar på 5.7. trinn, SFO-leiar og merkantil. Skogsvåg skule er praksisskule i samarbeid med HVL og deltek i DEKOMP-prosjekt saman med Universitetet i Bergen.
Kontaktperson: Ingrid Bildøy Hestad
Stillingstittel: Rektor
Telefon: 920 86 075
Øygarden kommune ønskjer eit arbeidsmiljø prega av mangfald, og at våre medarbeidarar i størst mogleg grad skal spegla mangfaldet i befolkninga. Vi oppmodar alle som er kvalifiserte til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ønskjer kommunen å leggja til rette for arbeidsforholda dersom du har behov for det.
Etter utløpet til søknadsfristen, vert det sett opp ei offentleg søkjarliste med namn, alder, stilling eller yrkestittel og bustads- eller arbeidskommune for kvar søkjar. Det kan gjerast unntak frå innsyn for opplysningar om ein søkjar dersom vedkomande sjølv ber om det. Opplysningar om ein søkjar, kan verta offentlege sjølv om søkjaren har bede om ikkje å vert ført opp på søkjarlista. Dersom oppmodinga ikkje vert teken til følgje, vert søkjaren varsla om dette. Ved vurderinga av om ei slik oppmoding skal takast til følgje, skal det leggjast vekt på om det knyter seg særleg offentleg interesse til stillinga.
Øygarden kommune er den nest største kommunen i Vestland fylke med omlag 39 300 innbyggjarar og 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong og i Skogsskiftet. Administrasjonsspråket i Øygarden er nynorsk.
Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.