97 ledige stillinger funnet med søkeord ""

Filtrer søk
Filtrer søk
Næringsutvikler
Rennebu kommune
Rennebu, Norge
10/02/2026
Søknadsfrist:
01.03.2026
Sykepleier
Gratangen kommune
Gratangen, Norge
10/02/2026
Søknadsfrist:
22.02.2026
Helsesykepleier
Gratangen kommune
Gratangen, Norge
10/02/2026
Søknadsfrist:
22.02.2026
Back to job list
Tilbake

Sommarvikar Vinje sjukeheim

Vinje kommune
Søk her!
Vinje, Norge
10/02/2026
Helse - Sosial - Omsorg

Vil du vera sommarvikar på sjukeheimen?

Å vera sommarvikar gjev deg ein fin moglegheit til å få innblikk og erfaring innanfor helse, særleg dersom du utdannar deg eller vurderer utdanning innanfor helsesektoren. Me treng vikarar på kortid- og langtidsavdelinga vår, samt vikar som kjøkkenvert.

Vinje sjukeheim har tre langtidsavdelingar og ei kortidsavdeling med til saman 34 plassar. Langtidsavdelinga med sine 25 plassar er delt inn i tre grupper, deriblant ei skjerma avdeling for personar med demens. Kortidsavdelinga består av 9 plassar, der 2 av plassane er akuttplassar for Vinje kommune.

Ved Vinje sjukeheim skal me sørge for at innbyggjarar i Vinje med behov for heildøgnspleie, meistring og omsorg mottar eit best mogleg tilbod, og der me jobbar kontinuerleg med å auke kvaliteten i tenesta. 

Arbeidsoppgåver

  • Omsorg og pleie til sjukeheimsbebuarane
  • Miljøtiltak overfor bebuarane - legge til rette for aktivitetar, gå tur, vere tilstades i fellesområde
  • Praktiske oppgåver i avdelinga, som smøring av mat, oppvask, rydding og liknande 

Kvalifikasjonar

  • Du har fagbrev som helsefagarbeidar.
  • Du er elev/student innan helsefag og ynskjer arbeidserfaring.
  • Du er ufaglært, men har erfaring/interesse for arbeid på sjukeheim.
  • Du har gode munnlege og skriftlege norskkunnskapar, tilsvarande nivå B2.

Me legg vekt på personlege eigenskapar ved tilsetjing. 

Personlege eigenskapar

  • Du er påliteleg, arbeidsom og sjølvstendig.
  • Du er fleksibel og kan samhandle godt med bebuarar, pårørande og kollegaer.
  • Du har gode samarbeidsevner og er ein positiv lagspelar som bidreg til eit inkluderande arbeidsmiljø.
  • Du tar initiativ og ynskjer å lære.
  • Du har interesse for eldreomsorg.
  • Du snakkar og forstår norsk godt.

Me tilbyr

  • God opplæring
  • Verdifull arbeidserfaring og relevant praksis
  • Sommararbeid med meining
  • Lønskompensasjon for dokumenterte studieår i helsefagleg utdanning
  • Pensjonsopptening i KLP

Bonus for sommarferievikarar

Det blir gitt ein bonus på kr 22 000 til sommarferievikarar som oppfyller fylgjande vilkår:

  • Du arbeider meir enn 75 % stilling.
  • Du arbeider minimum seks veker i perioden veke 26–33.
  • Du arbeider 50 % av helgene i den avtalte arbeidsperioden.

Bonusen vert utbetalt ved siste lønsutbetaling i perioden.

  • Opplæring blir avtalt med kvar enkelt ferievikar.
  • Aktuelle kandidatar blir kontakta fortløpande etter søknadsfristen.
  • Du må levere vitnemål og attestar.
  • Du må seie kva for veker i perioden du kan jobbe.
  • Søkjarar som kan jobbe 6-8 veker blir prioritert, og du må rekne med å arbeide annankvar helg.

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Hanne Kristin Finkenhagen
Avselingsleiar langtidsavdelinga
Telefon: +47 99 25 16 24

Søknadsfrist

01.03.2026

Ansettelsesform

Ferievikar
Om Vinje kommune

Nasjonalparkkommunen Vinje byr på spanande kontrastar. Her møter kultur og folkekunsttradisjonar eit blømande og moderne næringsliv. Rolege og blide kulturlandskap møter ville og majestetiske høgfjell. Brusande elver møter stille fjellvatn.

Med eit areal større enn Vestfold fylke har kommunen rikeleg med tumleplass, der dei kontrastfylte årstidene på mange vis legg premissane for det breie utvalet av friluftsaktivitetar.

Åmot er eit regionalt handelssenter, med eit rikt tilbod av varer og private og offentlege tenester. Haukeli og Rauland er sentra i attraktive turistområde, der ein av landets mest omfattande hytteutbyggingane har funne stad gjennom fleire år.

Inntektene frå den store kraftproduksjonen i Vinje har gjort det mogleg å utvikle eit høgt nivå på den kommunale tenesteytinga - ikkje minst innanfor skule, helse og omsorg.

Go to job list