92 ledige stillinger funnet med søkeord ""

Filtrer søk
Filtrer søk
Rådgiver kontrakt
Trøndelag fylkeskommune
Steinkjer, Norge
17/12/2025
Søknadsfrist:
09.01.2026
Back to job list
Tilbake

Helsefagarbeidar - 65 % fast

Vinje kommune
Søk her!
Vinje, Norge
18/12/2025
Helse - Sosial - Omsorg

Er du omsorgsfull, trygg og ynskjer ein jobb med meining?

Vinje sjukeheim har ledig 65 % vikariat som helsefagarbeidar på Vesleheimen. Vesleheimen er ei gruppe på langtidsavdelinga, som er tilpassa personar med demenssjukdom. Me søkjer etter deg som er ein positiv lagspelar, som jobbar målretta mot det beste for kvar enkelt bebuar. Du må like å vere i lag med eldre personar med demenssjukdom, og evne å balansere dagane mellom aktivitet og kvile for bebuarane. 

Vinje sjukeheim består av ei langtidsavdeling og ei korttidsavdeling. Langtidsavdelinga er delt inn i tre grupper, der to av gruppene er tilpassa personar med demens, og ei gruppe er somatisk pleieavdeling. Ved Vinje sjukeheim skal me sørge for at innbyggjarar i Vinje med behov for heildøgnspleie, meistring og omsorg mottar eit best mogleg tilbod, og der me jobbar kontinuerleg med å auke kvaliteten i tenesta. 

Me nyttar årsturnus for at du som medarbeidar skal ha moglegheit til å påverke din eigen turnus etter individuelle behov i ulike livsfasar. 

Arbeidsoppgåver

  • Utføre dagleglivets gjeremål, som personlig stell og bistand til eigenomsorg.
  • Ta målingar og gjera observasjonar.
  • Ivareta rolla som primær- og sekundærkontakt.
  • Samarbeide med pårørande.
  • Delta i praktiske arbeidsoppgåver i avdelinga.
  • Dokumentasjon. 
  • Miljøbehandling og tilrettelegge for gode og aktive kvardagar for våre bebuarar. 
  • Vere ein positiv bidragsytar i det kontinuerlige endrings- og forbetringsarbeidet vårt. 

Kvalifikasjonar

  • Norsk autorisasjon som helsefagarbeidar. Vidareutdanning i demensomsorg er positivt.
  • Godt dokumentert norsk kompetanse, tilsvarande B2.
  • Ynskje med erfaring innanfor demensomsorg.
  • Beherske vanlege IKT verktøy.
  • Det er krav om politiattest, og godkjend attest skal leggjast fram før tilsetjing.
  • Erfaring frå liknande arbeid kan bli vurdert om søkjar ikkje har autorisasjon som helsefagarbeidar

Personlege eigenskapar

  • Du jobbar målretta for å ivareta kvar enkelt sine ynskje og behov, i tråd med gjeldande krav til kvalitet. 
  • Du bidrar aktivt til eit positivt arbeidsmiljø, både fagleg og sosialt.
  • Du er fleksibel og strukturert.
  • Du kan jobbe både sjølvstendig og i team, og har gode samarbeidsevner. 
  • Du har interesse for demensomsorg.
  • Du held deg fagleg oppdatert.
  • Du har evne til å skape gode relasjonar. 
  • Du er fleksibel og kan arbeide på tvers av avdelingar. 
  • Du har interesse for velferdsteknologi.

Me legg vekt på personlege eigenskapar ved tilsetjing.

Me tilbyr

  • Gode støtteordningar for vidareutdanning i demensomsorg.
  • ABC-kurs i demensomsorg og andre fagområde.
  • Fagleg oppdaterte og dyktige kollegaer.
  • Betalt matpause.
  • Løn etter ansiennitet i lokal stige med fagbrev frå 470.800 til 599.300
  • Moglegheit til å påverke din eigen turnus. Me nyttar årsturnus.
  • God forsikrings- og pensjonsordning.
  • Aktivitetskortordning med gåvekort, og mogelegheit for å vinne flotte premiar.

I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta. 
I samsvar med offentleglova § 25 kan namn på søkjarane offentleggjerast. 

Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.

Kontaktinformasjon

Hanne Kristin Finkenhagen
Avselingsleiar langtidsavdelinga
Telefon: +47 99 25 16 24
E-post: hanne.kristin.finkenhagen@vinje.kommune.no 

Søknadsfrist

04.01.2026

Ansettelsesform

Fast
Om Vinje kommune

Nasjonalparkkommunen Vinje byr på spanande kontrastar. Her møter kultur og folkekunsttradisjonar eit blømande og moderne næringsliv. Rolege og blide kulturlandskap møter ville og majestetiske høgfjell. Brusande elver møter stille fjellvatn.

Med eit areal større enn Vestfold fylke har kommunen rikeleg med tumleplass, der dei kontrastfylte årstidene på mange vis legg premissane for det breie utvalet av friluftsaktivitetar.

Åmot er eit regionalt handelssenter, med eit rikt tilbod av varer og private og offentlege tenester. Haukeli og Rauland er sentra i attraktive turistområde, der ein av landets mest omfattande hytteutbyggingane har funne stad gjennom fleire år.

Inntektene frå den store kraftproduksjonen i Vinje har gjort det mogleg å utvikle eit høgt nivå på den kommunale tenesteytinga - ikkje minst innanfor skule, helse og omsorg.

Go to job list