| Søknadsfrist: |
28.11.2023
|
Sundheimen, lokalisert i Skogsskiftet er ein kommunal sjukeheim med 44 senger. Somatisk avdeling har 26 pasientar. Kvar avdeling er delt inn i grupper på 8 – 10 pasientar. Sundheimen har i hovudsak langtids-pasientar med komplekse og samansette diagnosar.
Som helsefagarbeidar hjå oss får du jobbe i eit tverrfagleg team i eit kunnskapsrikt og inkluderande arbeidsmiljø. Vi har god helsefag- og sjukepleiarkompetanse der vi har fokus på omsorg og tryggleik både i ei aktiv behandlande fase og i ei palliativ fase. Vi har eigne kjøkken-assistentar på kvar gruppe 3-4 dagar i veka, og vi har aktivitør 1 fast dag i veka. I tillegg har vi frivillige som hjelper oss med aktivitetar som bingo, andakt og besøksvenn vekentleg. Vi ønskjer det beste for våre brukarar og tilretteleggjar for kjekke aktivitetar i kvardagen.
Vi har stort fokus på arbeidsmiljø og har rullerande fest-komitè. Vi har det kjekt i lag på jobb, og du vil garantert bli tatt godt i mot som vår nye medarbeidar.
Stillinga inngår i årsplan med arbeid dag /kveld og 16 helger pr år. Ved internt opprykk kan andre stillingar bli aktuelle og vil bli vurdert av same søkarmasse. Ved ønskje om større stilling kan timebank bli vurdert.
Stillinga er ledig frå 1. desember.
Einingsleiar : Janne Thode , 56160400/45044569 janne.thode@oygarden.kommune.no
Avdelingsleiar : Irene Sylte Glesnes , 56160400 / 91737554 Irene.glesnes@oygarden.kommune.no
Øygarden kommune ynskjer eit arbeidsmiljø prega av mangfald, og at våre medarbeidarar i størst mogleg grad skal spegle mangfaldet i befolkninga.
Vi oppmodar alle som er kvalifisert til å søkja jobb hos oss uansett alder, funksjonsevne, kjønn, eller minoritetsbakgrunn. Som IA-verksemd ynskjer kommunen å tilretteleggje arbeidsforholda dersom du har behov for det.
Etter utløpet til søknadsfristen, vil det setjast opp ei offentleg søkarliste innehaldande namn, alder, stilling eller yrkestittel og bustads- eller arbeidskommune for kvar søkar. Det kan gjerast unntak frå innsyn for opplysningar om ein søkar dersom vedkomande sjølv ber om det. Opplysningar om ein søkjer kan verta offentlege sjølv om søkaren har bede om ikkje å førast opp på søkarlista. Dersom anmodninga ikkje vert teke til følgje vil søkaren varslast om dette.
Øygarden kommune er den nest største kommunen i Vestland fylke med omlag 39 300 innbyggjarar og 2 800 tilsette. Straume er kommunesenter (ca. 15 minutt køyring frå Bergen) med kommunedelsenter på Rong og i Skogsskiftet. Administrasjonsspråket i Øygarden er nynorsk.
Øygarden kommune har sett seg som mål å vera ein framtidsretta og kunnskapsbasert samfunnsutviklar med fortrinn innanfor energi, teknologi og marine ressursar. Kommunen skal løfta fram viktige verdiar som felles kultur, språk og identitet. Vi har ambisjonar om å vera ein handlekraftig og effektiv organisasjon med god leiing, høg kompetanse og kvalitet.