Stillinga er i todelt turnus med arbeid kvar tredje helg. Arbeidstid 35,5 t/v.

Heimetenesta i Øvre omfattar Norheimstunet omsorgssenter og heimetenester. Norheimstunet er eit bu-tilbod med tilrettelegging for personar med nedsett funksjonsevne, bebuarane får helse- og omsorgstenester etter behov.

Norheimstunet er eit triveleg tun, som ligg sentralt til i Haukeli. Omsorgssenteret har 11 bebuarrom inne på Norheimstunet og er døgnbemanna, samt 4 frittståande omsorgsbustader ute på tunet.

Omsorgssenteret er base for alle heimebaserte tenester i Øvre distrikt.

Me har og eit eldresenter med kokk, som lagar middag to gonger i veka for bebuarane på Norheimstunet og eldre heimebuande i Øvre distrikt. 

Me har ei brukargruppe på omlag 45 stk.
Øvre distrikt området omfattar Edland, Vågslid, Arabygdi og ned til Smørklepp.
Heimetenesta i Øvre har ei personalgruppe som består av sjukepleiarar, helsefagarbeidarar, kjøkenassistent og heimehjelper/assistentar, på til saman 25 stk.

Me verdset eit godt arbeidsmiljø, og me ynskjer deg velkomen som søkjar hjå oss.

Dine hovudoppgåver vil vere knytt til:

• Samarbeid med ulike fagpersonar for å levere kvalitativt gode og føreseielege helse – og omsorgstenester til bebuarar på omsorgssentera, og til heimebuande slik at dei kan bu lengst mogeleg heime
• Ivareta eit samla, godt tenestetilbod
• Bidra til datasamling og funksjonsvurdering for å sikre god oppfølgjing av den enkelte bebuar/pasient i tråd med behov
• Bidra med fagleg rettleiing i høve kollegaer og bebuar/pasient

Kvalifikasjonar

• Autorisasjon som sjukepleiar
• God skriftleg og munnleg framstillingsevne i norsk
• Gode samarbeidseigenskapar

Det vil bli lagt vekt på personleg eignahet. 

Me søkjer deg som 

• Er ein positiv lagspelar som bidreg til eit godt arbeidsmiljø
• Har samarbeids - og kommunikasjonseigenskapar som skaper trygge og gode relasjonar med bebuar/pasient, pårørande og kollegaer
• Er fleksibel, løysingsorientert og trivs med varierte oppgåver
• Jobbar sjølvstendig, er strukturert og engasjert
• Er ein stabil arbeidstakar
  

Dersom det ved interne rokeringar vert ledige fleire stillingar, tilset me og i desse.
Vitnemål og attestar må takast med til intervju.

Søkjarar må ha førarkort klasse B. Politiattest må leverast før oppstart.
I samsvar med offentleglova § 25 kan namn på søkjarane offentleggjerast

Søknaden skal du sende på elektronisk skjema. Lenke til skjema finn du her

Kontakt

Har du spørsmål til stillinga, kan du kontakte 
avdelingsleiar Arnhild Romtveit,
på telefon 47 64 02 76