| Søknadsfrist: |
01.10.2023
|
Ingeniør VVA – veg, vatn og avløp
Vi har ledig 100% fast stilling som ingeniør i Hyllestad kommune.
Vi søker deg som vil, torer og kan nytte kommunen sitt handlingsrom for å skape gode resultat,
og bidra til vidare samfunnsutvikling i ein framtidsretta kommune.
Du vil arbeide på avdeling Samfunnsutvikling og teknisk drift saman med 3 medarbeidarar med
brei erfaring og høg kompetanse innan forvaltningsområda våre.
Avdelinga har ansvar for byggesak, arealplanar, kart- og oppmåling, eigedomsskatt og
kommunale gebyr. I tillegg ligg drift og vedlikehald og reinhaldstenestene under avdelinga.
Hyllestad kommune nyttar ACOS WebSak (sakshandsamingssystem) , GISLINE (kartprogram) og
KOMTEK (kommunale gebyr). Naudsynt opplæring vil bli gjeve.
Arbeidsoppgåver:
- Hovudansvar for kommunal veg, vatn og avløp
- Fagleg støtte opp mot DV-avdelinga si drift av kommunale VVA-anlegg
- Delta i overordna planlegging innan veg, vatn og avløp
- Planlegging, leiing og gjennomføring av prosjekt innan veg, vatn og avløp
- Utarbeide/vedlikehalde grunnlag for kommunale avgifter i KOMTEK
- Utarbeide/vedlikehalde grunnlag for eigedomsskatt, inkludert klagehandsaming
- Ajourhald av kommunen sin VA-base i GISLINE
- Rapportering og FDV-dokumentasjon innan veg, vatn og avløp
- Eventuelt anna sakshandsaming eller andre utviklingsoppgåver for kommunen
Krav til kvalifikasjonar:
- Relevant utdanning, gjerne innan VA eller byggfag
- Relevant arbeidserfaring kan kompensere for manglande formell utdanning
- God kjennskap til fagområdet og evne til å bidra til høg fagleg kvalitet i offentleg
forvaltning
- God kjennskap til relevant lovverk med vekt på plan- og bygningslova
- God skriftleg og munnleg framstillingsevne. Kommunen nyttar nynorsk som målform.
- Gode IT-kunnskapar
- Nyutdanna vert også oppmoda om å søke
- Førarkort klasse B
Personlege eigenskapar:
Vi søkjer deg som er strukturert, likar å finne løysningar og som samarbeider godt med andre. Du
må vere serviceinnstilt, omgjengeleg og trivast i dialog med folk. Du bør vere effektiv og ha fokus
på å halde tidsfristar og levere eit godt fagleg innhald. Du må kunne tileigne deg kunnskap og
jobbe sjølvstendig. Personlege eigenskapar vil vere viktig i stillinga.
Vi tilbyr:
- Spanande og varierte arbeidsoppgåver
- Eit ungt, positivt og energisk arbeidsmiljø
- Eit etablert fagmiljø med høg kompetanse
- Moglegheit til å påverke eigen arbeidsdag
- Moglegheit til utvikling av eigen kompetanse
- Fleksibel arbeidstid
- Løn og tilsetting etter avtale
- Gode pensjons- og forsikringsordningar i KLP
- Gode velferdsordningar (gratis treningsabonnement i Hyllestadhallen)
Vi ynskjer eit arbeidsmiljø prega av mangfald, og at våre tilsette skal spegla folkesetnaden elles.
Me oppfordrar alle som er kvalifisert til å søkja jobb hjå oss uansett alder, funksjonsevne, kjønn
eller minoritetsbakgrunn. Me legg vekt på å legge til rette arbeidsforholda dersom du har behov
for det.
Administrasjonsmålet i kommunen er nynorsk. Alle nytilsetjingar vert gjort med ei prøvetid på 6
månadar. Vi gjer merksam på at i følgje offentleglova § 25, 2. ledd kan opplysningar om søkjaren
bli offentleggjort, sjølv om du har oppmoda om ikkje å bli ført på offentleg søkarliste. Dersom du
har bede om unntak frå offentleg søkarliste vil du alltid bli varsla før søkarliste vert
offentleggjort.
Hyllestad kommune ligg i ytre Sogn – ca 1 time med bil frå Førde og 2 timar frå Bergen. Kommunen har omlag 1400 innbyggjarar. Hyllestad kan skilte med norsk natur på sitt beste. Du kan rusle langs vasskanten eller bestige fjell som Lihesten, og her er gode jakt og fiskevilkår. Her er det moglegheiter for både familiar og einslege. Vi kan nemne nokre av våre organiserte aktivitetar som turlag, idrettslag, kulturskule, kor, korps, biljardklubb, bogeskyting, dykkarklubb, 4-H, Røde Kors lokallag.