Fyresdal kommune søker helsesjukepleiar i 100 % fast stilling frå 01.09.2023.
Har du lyst til å jobbe med barn og unge? Er du ein bidragsytar innan tverrfagleg samarbeid og har utdanning som helsesjukepleiar? Då er det kanskje nettopp DEG vi ser etter?
Helsestasjonen er ein del av avdeling helse og ligg i sentrum av Fyresdal. På helsesenteret vårt er helsetenestene samla og samarbeider tett til pasientens beste. Helsesenteret er godt utstyrt og vi nyttar journalsystemet Infodoc.
Det samla fagmiljøet består av to kommunelegar, LIS1-lege, sjukepleiarar, helsesekretær, helsesjukepleiar, psykiatrisk sjukepleiar, 2 fysioterapeutar, ergoterapeut og avdelingsleiar. Tannlegekontoret held også til i same bygget. Jordmor og psykolog er knytt opp mot tenesta i form av interkommunalt samarbeid. Frivilligsentralen er også organisert under avdeling helse.
Arbeidsoppgåver:
- Fagansvarleg på helsestasjonen
- Utøve tenester for barn og ungdom etter gjeldande lovverk
- Skulehelseteneste
- Helsestasjonsverksemd for ungdom i samarbeid med lege
- Anna førebyggjande helsearbeid
- Medlem av psykososialt kriseteam
- Arbeide spesifikt med utanforskap og overgangar
- Individuelle konsultasjonar og gruppekonsultasjonar
- Bidra i undervisning
- Samhandle og samarbeide med ulike faggrupper i eininga og med andre aktuelle samarbeidspartnarar
- Bidra aktivt i fag- og tenesteutvikling
- Dokumentasjon i elektronisk fagprogram
Kvalifikasjonar:
- Autorisasjon som helsesjukepleiar
- Det er ynskjeleg med erfaring frå helsestasjon, skulehelseteneste og helsestasjon for ungdom
- COS-P-sertifisering vil vere ein fordel
Vi søker ein person som:
- Er fleksibel, kreativ og løysningsorientert
- Har evne til å jobbe målretta, systematisk og sjølvstendig, men samtidig vil bidra til tverrfagleg samarbeid
- Bidreg til delingskultur og godt arbeidsmiljø
- Har brukar i fokus
- Beherskar norsk godt, både skriftleg og munnleg
- Har gode IT-kunnskapar
Personlege eigenskaper vil bli vektlagt i stor grad.
Vi tilbyr:
- Faglege utfordringar i eit godt arbeidsmiljø med gode kollegaer
- Kommunale vilkår inkludert god pensjonsordning
- 37,5 timars arbeidsveke, men den som blir tilsett må rekne med noko ettermiddags- og kveldsjobbing
- Løn etter avtale
Den som blir tilsett vil ha stor moglegheit til å påverke stillinga sjølv, både i høve til arbeidstid og organisering.
Tilsettingsvilkår:
- Tilsetting skjer på dei vilkår som til ei kvar til går fram av gjeldande lovar, reglar og tariffavtaler, inkludert 6 månadar prøvetid
- Den som blir tilsett må legge fram politiattest av nyare dato
- Den som blir tilsett må ha førarkort og disponere eigen bil
Kontaktperson ved spørsmål:
Nærare opplysningar om stillinga kan rettast til avdelingsleiar helse, Anne Veum, på mobil 95 17 74 21.
Søknadsfrist:
Søknadsfrist for stillinga er 11.06.2023.
Velkomen som søkar!
NB. Sjukepleiarar som er under utdanning til helsesjukepleiar er også velkomne til å søke!
Vi ber om at det elektroniske søknadsskjemaet blir fylt ut fullstendig med både utdanning og erfaring. Attester og vitnemål vil bli etterspurt ved behov. Vi gjer merksam på at namn på søkarar kan bli offentleggjort i høve til offentleglova § 25.
