Omtale av arbeidsplassen

Tokke bibliotek er eit kombinasjonsbibliotek, og yter bibliotektenester til to grunnskular og Vest-Telemark vidaregåande skule. Hovudbiblioteket ligg sentralt og ope i Tokke kulturhus (nytt 2008) på Dalen, midt mellom dei to skulane og idrettshallen. I kulturhuset er det også kinosal, badeanlegg, kulturskule og møterom. Biblioteket er meirope med ei løysing for sjølvbetjening. Barn og unge brukar biblioteket mykje, både i skulesamanheng, til lekselesing og elles. Elevane i Tokke har i fleire år vore blant dei mest ivrige deltakarane i Sommarles. Vaksne og eldre nyttar biblioteket som møteplass og stikk innom i samband med ulike aktivitetar på kulturhuset, slik at biblioteket har gjennomsnittleg høg besøksstatistikk på landsbasis.

Tokke bibliotek er med i samarbeidet Vest-Telemarkbiblioteka, der vi har felles database og jobbar saman når det gjeld fagleg utvikling og andre aktivitetar. Biblioteket ligg administrativt under Plan-, næring- og kulturetaten i Tokke kommune. Folkebiblioteket har ein filial ved skulen i Høydalsmo. Det er meirope og sjølvbetjening, også ved filialen.

Tokke kommune er blitt ein del av det internasjonale fribynettverket (ICORN).

Kort om stillinga

• Biblioteksjefen har fagleg og administrativt ansvar for drift av bibliotektilbodet i kommunen.
• Biblioteksjefen har ansvar for utvikling av biblioteket som kunnskaps- og kulturarena – som også inneber utvikling av biblioteket som møteplass både fysisk og digitalt. Biblioteket samarbeider tett med Tokke frivilligsentral, vaksenopplæringa og andre i lokalsamfunnet. 
• Biblioteket har om lag 2,5 årsverk fordela på biblioteksjef og bibliotekmedarbeidarar.
• Biblioteksjefen inngår i dagleg drift og vakter etter turnusplan.
• Administrasjonsspråk: nynorsk

Personlege eigenskapar

• Kunnskap om og interesse for litteratur-, kultur- og kunnskapsformidling
• Kjennskap til biblioteksystem, sosiale media og gode IT-kunnskapar for øvrig er eit føremon
• Open, god kommunikasjon og evne til å jobbe i team
• Sjølvstendig og fleksibel med gode leiareigenskapar

Kvalifikasjonar:

• Krav om Bachelor i bibliotek og informasjonsvitenskap.
• Den som søkjer bør vere serviceinnstilt, samt sjå biblioteket som ein viktig møteplass, ikkje minst når det gjeld integrering.
• Erfaring frå folkebibliotek evt. leiarerfaring er ei føremon.

Me kan tilby:

• Utfordrande arbeidsoppgåver i ein service- og utviklingsorientert etat 
• Eit godt arbeidsmiljø 
• Ein spanande og variert kvardag saman med flotte born og dyktige medarbeidarar
• Gode forsikrings- og pensjonsordningar

Det vil bli lagt vekt på personlege eigenskapar.

Tokke kommune ynskjer eit arbeidsmiljø prega av mangfald. Alle kvalifiserte kandidatar uansett alder, livssituasjon, funksjonsevne, kjønn, seksuell orientering, religion eller etnisk bakgrunn vert oppfordra til å søkje. Vi legg vekt på tilrettelegging av arbeidsforhold dersom du har behov for det.

Aktuelle søkjarar vert kalla inn til intervju. Dei som vert tilsett, må leggje fram politiattest, før ein kan ta til i jobben. I samsvar med Offentleglova §25 kan namn på søkjarane offentleggjerast. Kopi av attestar og vitnemål sendast på oppfordring eller ved frammøte til intervju.

Søknad sendast på elektronisk skjema, som du finn her

Nærare opplysningar om stillinga vert gjeve av biblioteksjef Benedikte Nes, tlf. 35 07 56 66.

Velkomen som søkjar!