Filtrer søk
Filtrer søk
barnehagelærarstillingar
Back to job list
Tilbake

Barnehagelærarstillingar

Nissedal kommune
Søk her!
  • Nissedal, Norge
  • 19/01/2023
Barnehage


Andre gongs utlysing

Eining for oppvekst og kultur i Nissedal kommune har ledige stillingar:

  • 100% vikariat som barnehagelærar, for tida ved Treungen barnehage,
    i perioden 01.01.23 (snarast) - 09.08.24 – Id 2023/94
  • 100% vikariat som barnehagelærar, for tida ved Kyrkjebygda oppvekstsenter,
    avd. barnehage, i perioden 01.01.23 (snarast) -31.12.23 – Id 2023/95

Kvalifikasjonskrav til stillingane:

  • Barnehagelærarutdanning
  • Gode faglege kunnskapar og interesse for fagleg utviklingsarbeid
  • Samarbeidsevne og fleksibilitet
  • Relasjonskompetanse og evne til å vere med å utvikle eit trygt og godt barnehagemiljø
  • Omstillingsevne
  • Det vil bli lagt vekt på personlege eigenskapar, stabilitet og nærvær på arbeidsplassen

Me er opne for å vurdere andre potensielle søkjarar, dersom det ikkje kjem kvalifiserte søkjarar.

Vi kan tilby:

  • Inkluderande og positivt arbeidsmiljø
  • Spennande arbeidsoppgåver
  • Tilsetting og pensjonsordningar på kommunale vilkår

Nissedal kommune har desentralisert barnehagestruktur og har barnehagar på Felle, Fjone, i Treungen og Kyrkjebygda. Stillingane vil kunne bli lagt til alle desse barnehagane ved endringar i behov.  

Anna: 

  • Ved tilsetjing blir det stilt krav om politiattest.
  • Kommunen nyttar nynorsk som skriftspråk.
  • Tilsettingsvilkår i fylgje gjeldande lov og kommunen sitt reglement.
  • Vi gjer merksam på at namn på søkjarar kan bli offentleggjort i høve til offentleglova §25.
  • Kopi av vitnemål og attestar skal leverast i samband med intervjuet.

Nærare opplysningar får du ved å kontakte:

Søknadsfrist 29.01.2023

Søk på stillingane ved å klikke på “Søk på stilling” knappen på denne sida.

Søknadsfrist

29.01.2023

Ansettelsesform

Fast
Om Nissedal kommune

Nissedal kommune ligg sør i Vest-Telemark, og er ein kommune i vekst. Treungen er administrasjonsstaden, og andre tettbygde stader er Kyrkjebygda, Fjone, Haugsjåsund og Felle.

Namnet Nissedal kjem frå innsjøen Nisser. Frå gamalnorsk blei Nisser kalla «Niðsær», der fyrste del «Nið» tyder «brusande», medan andre del «sær» tyder «sjø».

Nisser er ein av dei største innsjøane i Telemark og er eit dominerande landskapsmerke med innbydande sandstrender og svaberg omkransa av blankskura og høgreiste fjell. Den fire mil lange og 250 meter djupe innsjøen inneheld reint, klårt drikkevatn.

Langs Nisser finn ein sjeldsynte hellemålingar, gravhaugar og mange andre minne etter gamal busetjing.

I skogane og heiområda i Nissedal finn ein heile 1750 større og mindre vatn. Det er eit eldorado for dei badeglade, og på Fjone finn ein kilometerlange sandstrender. Her er også gode vilkår for kanopadling, båtsport og fiske i vatna og elvane. 

Klimaet er svært bra, og terrenget innbyr til turgåing, sommar som vinter. 

Næringslivet i kommunen er variert. Viktige næringar er industri og handverk, handel, reiseliv og turisme og hytteutbygging.

Vi har desentralisert skulestruktur med Tveit skule - Nissedal ungdomsskule 1-10 og Kyrkjebygda oppvekstsenter 1-7.  

Vi har barnehage i Kyrkjebygda, Fjone, Treungen, Haugsjåsund og på Felle.

I Treungen er det blant anna omsorgssenter, bu- og avlastingsenter, Fleirbrukshus, bibliotek og kino.

Go to job list