SØKNADSFRIST: 03.03.2021

Solund er eit særeige øyrike ytst i Sognefjorden. Vi har eit godt utvikla tenestetilbod i kommunesenteret Hardbakke med skule, barnehage, butikksenter og gode kommunikasjonar til fastlandet. Solund er eit eldorado for friluftsaktivitetar på sjø og land, til dømes kajakkpadling og fotturar.

Solund kommune har ledig 100% fast stilling som ingeniør/byggjeleiar innan eining for plan og tekniske tenester.

Plan og tekniske tenester har ansvar for sakshandsaming av plan- og byggjesaker, kart- og oppmålingstenester, landbruksforvaltning, VAR-området, teknisk drift av bygg og anlegg, utbyggingsprosjekt og beredskap.

Vi arbeidar med fleire spanande prosjekt og har behov for ein ny medarbeidar for å sikre god medverknad og  kvalitet i prosjekta.

Større prosjekt som er under planlegging med det fyrste er:

• Vidareutvikling av Solund Idrettspark med m.a. nytt idrettshus
• Ny ungdomsskule
• Bygging av kommunale bustadar
• Nye bustadfelt
• Utbygging av Infrastruktur som veg, breiband og VA-anlegg

Solund kommune arbeidar kontinuerleg med utvikling og nye prosjekt vil kome til etter kvart.

Arbeidsoppgåver som vil ligge til stillinga er mellom anna

• Koordinere prosjekt i tråd med vedtak og budsjett
• Tilbodsinnhenting, inngå og følgje opp kontraktar med entreprenørar
• Oppfylgjing/byggjeleing  for å sikre kvalitet i byggjetida med smidig overgang til driftsfasen,  for å optimalisere drifta av kommunen sine bygg og anlegg
• Samarbeide med teknisk drift og brukarane alt frå planstadiet til ferdig prosjekt
• Skrive søknader og rapportere på prosjektmidlar
• Sakshandsaming
• Delta i beredskap innan brann- og oljevern
• Andre oppgåver som ligg til eininga

Ynskjelege kvalifikasjonar

• Relevant utdanning og erfaring frå byggeleiing. Lang erfaring kan kompensere for utdanning.
• Kunnskap om teknisk drift, norsk standard for byggjeområdet og erfaring frå budsjett og prosjektøkonomi
• Erfaring med sakshandsaming
• Evne til å arbeide både sjølvstendig og saman med andre
• Førarkort kl. B
• God munnleg og skriftleg framstillingsevne

Personlege eigenskapar

• Er strukturert og tydeleg
• Gode samarbeidsevner
• Engasjert, framtidsretta og påliteleg
• God arbeidskapasitet og evne til å arbeide effektivt
• Evne til å sjå heilskap og mogelegheiter

Personlege eigenskapar vil bli tillagt stor vekt.

Løn og tilsetjingsvilkår

• Tilsetjing vert i tråd med gjeldande lov- og avtaleverk
• For stillingar i Solund kommune gjeld ei prøvetid på 6 månader
• Leiar for plan og tekniske tenester er næraste overordna til stillinga
• Tiltredingsdato etter avtale

Vi tilbyr

• Ei spanande stilling med ansvarsfulle og varierte oppgåver
• Løn etter avtale
• Fleksibel arbeidstid
• God pensjonsordning i KLP
• IA-bedrift
• Hjelp med å finne bustad

Språk

Nynorsk vert nytta som arbeidsspråk.

Offentleg søkjarliste

Vi gjer merksam på at søkjarliste med namn, kjønn, alder og noverande stilling i utgangspunktet er offentleg informasjon. Dersom det ikkje er særlege grunnar for å unnta offentleggjering vil søkjaren verte kontakta og få høve til å trekke søknaden sin før søkjarliste vert gjort offentleg.

Nærare opplysningar om stillinga kan ein få ved å kontakte:

Leiar for plan og tekniske tenester Terje Drengenes tlf. 57 78 62 00 / 971 76  822. E-post terje.drengenes@solund.kommune.no

Velkommen som søkjar!

Kontaktperson:
Terje Drengenes
tlf: +47 97176822

Heimeside:
www.solund.kommune.no