| Søknadsfrist: |
08.03.2026
|
Vil du ha ein meiningsfull sommarjobb – og samstundes får verdifull erfaring innan helse og omsorg?
På Svingen og Reini bufellesskap bur folk i eigne leilegheitar, og me er der for å gi støtte og hjelp etter behov. Svingen har 11 plassar og Reini har 2, og begge er trygge, inkluderande og gode arbeidsplassar med fine kollegaer.
Sommarjobben passar for deg som er engasjert, omsorgsfull og likar å jobbe med menneske. Kanskje vurderer du utdanning innan helse og omsorg, eller er allereie i gang? Hos oss får du ein variert arbeidskvardag, god opplæring og erfaring du vil ta med deg vidare.
Vil du ha ein sommar der du både lærer mykje og gjer ein forskjell? Då kan Svingen og Reini vera rette plassen for deg.
Bonusordning:
Bonusen vert utbetalt ved siste lønsutbetaling i perioden.
Søkjarar som kan jobbe 6-8 veker blir prioritert, og du må rekne med å arbeide annankvar helg.
I Vinje kommune er det offisielle styringsmålet nynorsk. Alle tilsette pliktar å nytte nynorsk skriftspråk i tenesta.
I samsvar med offentleglova § 25 kan namn på søkjarane offentleggjerast.
Vinje kommune er oppteken av mangfald, og ynskjer at tilsette i kommunen reflekterer mangfaldet i lokalsamfunnet. Me oppmodar alle kvalifiserte kandidatar til å søkje uansett alder, kjønn, funksjonsevne eller kulturell bakgrunn.
Kontaktinformasjon
Hjørdis Ringhus Saupstad
Avdelingsleiar Svingen og Reini
Telefon: +47 97028218
E-post: hjordis.ringhus.saupstad@vinje.kommune.no
Nasjonalparkkommunen Vinje byr på spanande kontrastar. Her møter kultur og folkekunsttradisjonar eit blømande og moderne næringsliv. Rolege og blide kulturlandskap møter ville og majestetiske høgfjell. Brusande elver møter stille fjellvatn.
Med eit areal større enn Vestfold fylke har kommunen rikeleg med tumleplass, der dei kontrastfylte årstidene på mange vis legg premissane for det breie utvalet av friluftsaktivitetar.
Åmot er eit regionalt handelssenter, med eit rikt tilbod av varer og private og offentlege tenester. Haukeli og Rauland er sentra i attraktive turistområde, der ein av landets mest omfattande hytteutbyggingane har funne stad gjennom fleire år.
Inntektene frå den store kraftproduksjonen i Vinje har gjort det mogleg å utvikle eit høgt nivå på den kommunale tenesteytinga - ikkje minst innanfor skule, helse og omsorg.