| Søknadsfrist: |
01.03.2026
|
Lom kommune ynskjer å ta inn lærlingar frå hausten 2026 innan følgjande fagområde:
Helsefagarbeidar (HEA)
Barne- og ungdomsarbeidarfaget (BUA)
Du har bestått Vg1 og Vg2 innan aktuelt fag
For lærlingar i HEA og BUA er det krav om godkjent politiattest av nyare dato
Ordna arbeidstid og gode arbeidsvilkår
Strukturert opplæring med fagleg rettleiing
Ein variert og lærerik kvardag
Eit inkluderande arbeidsmiljø der du blir sett og verdsett
Lom kommune er oppteken av mangfald og oppmodar alle kvalifiserte kandidatar til å søkje - uavhengig av alder, kjønn, funksjonsevne, etnisitet eller nasjonal bakgrunn.
Lom er kjend for sin mektige natur, si friske luft og varierte opplevingar.
I Jotunheimen nasjonalpark finn du dei høgaste fjella i Noreg, som Galdhøpiggen og Glittertind. Det populære friluftsområdet har lange tradisjonar knytt til fotturisme, klatring og tinderangling, og byr på eit omfattande nett av merka ruter og trivelege turisthytter.
Kommunen har eit kompakt sentrum med tilgang til fleire aktivitetar og opplevingar, butikkar, kafear, hotell og restaurantar. Mest kjend er kanskje Bakeriet i Lom. Velkomen til Lom!