Eidfjord kommune har ledig to faste 100% stillingar som helsefagarbeidar i pleie og omsorg. 

Søknad

• Søknadsfrist: 20.07.2025
• Søknad med CV sender du på elektronisk skjema
• Arkivsak nr: 25/851

Om stillinga

• Oppstart etter avtale
• Stillingstype: 2 delt turnus med 364 helgetimar som kan ha ulik helgevariant som løysing (langvakt, ordinære vakter eller kombinasjon).
• Det vert gjeve økonomisk kompensasjon for helgetimar ut over 255 i gjeldande turnus og komande turnus.
• Stillinga er plassert i kommunen sitt regulativ i samsvar med tariffavtale. 
• Helsefagarbeidarar i 2 delt turnus med godkjent medisinkurs får kr 17 000 på årsløn i funksjonstillegg.

Arbeidsoppgåver

• Sjølvstendig ansvar for at fagleg arbeid og tiltak vert utført i samsvar med vedtekne mål og retningslinjer
• Leggje til rette for brukarmedverknad
• Yte personleg bistand, pleie og omsorg
• Miljøskapande arbeid i avdelinga
• Ivareta dokumentasjonsplikt
• Bidra til at utvikle og vedlikehalde kvaliteten på det faglege arbeidet
• Rettleie og informere pasientar, pårørande, kollegaer, studentar, elevar, og lærlingar
• Medverke til fullt forsvarleg, helsefremjande og inkluderande arbeidsmiljø

Ynskte kvalifikasjonar

• Offentleg godkjenning/autorisasjon som helsefagarbeidar/hjelpepleiar
• Det er ynskjeleg med godkjent medikamentkurs, men ikkje eit krav
• Førarkort klasse B
• Beherske norsk – både munnleg og skriftleg, B1

Personlege eigenskapar

• Evne til å gjera sjølvstendige vurderingar og ta eigne faglege avgjerdslar
• Evne til å skape gode relasjonar 
• Gode samarbeidsevner
• Utviklingsorientert
• Initiativrik og engasjert
• Målretta og strukturert 
• Positiv og lojal

Me tilbyr

• Ein arbeidsgjevar som satsar på heiltidskultur med gode turnusordningar der tilsette kan kome med innspel til eigen turnus
• Godt arbeidsmiljø
• Moglegheiter for personleg og fagleg utvikling
• Moglegheit til å søkje støtteordningar og tilrettelegging for relevant vidare og etterutdanning
• Gode pensjons- og forsikringsordningar
• Bedriftshelseteneste

Andre opplysningar

I Eidfjord kommune må alle som skal arbeide innan helse og omsorg eller med barn, unge og funksjonshemma vise politiattest før tilsetning. Denne må visast ved tilbod om tilsetjing og skal ikkje leggjast ved søknaden.

I samsvar med offentleglova kan me vera forplikta til å offentleggjere opplysningar om søkjarar som har bedt om å verta unntatt offentlegheit. Gyldig arbeids- og opphaldstillating er eit krav. 

Kontaktopplysningar

Dersom du har spørsmål om stillinga kan du ta kontakt med avdelingsleiar Margunn Lægreid tlf 414 68 449 eller kommunalsjef Karin Flatabø Thrane, tlf. 951 38 645.

Om Eidfjord og tenesta

Eidfjord kommune er i spanande utvikling, og er ei aktiv bygd omgitt av flott natur. Me treng fleire med på laget som kan vera med på å skapa vekst og utvikling i kommunen. Saman med andre dyktige medarbeidarar skal pleie og omsorg levera gode tenester og løyse samfunnsoppdraget.

Bygdaheimen er basen i pleie- og omsorgstenesta i Eidfjord kommune. Sjukeheimen var ny i 2019 og ligg nydeleg til på Brotkanten. Det er 20 bebuarplassar på Bygdaheimen fordelt på somatisk avdeling og demensavdeling. Tenesta er integrert noko som betyr at dei tilsette jobbar fleksibelt mellom avdelingane på Bygdaheimen og i heimetenesta. Me har fokus på kvalitet og har sidan 2013 årleg delteke i nettverk i regi av USHT.

Tenesta har digitalt varslingssystem på Bygdaheimen og digitale tryggleiksalarmar knytt til heimetenesta.

Tenesta arbeider med heiltidskultur. Eit spanande prosjekt som handlar om oppgåvedeling og tenestestyrt bemanning. Målet er mellom anna å finne nye måtar å organisere arbeidet vårt på, slik at me sikrar rett kompetanse på rett stad, til rett tid. Vidare håpar med at dette bidreg til auka kvalitet på tenestene og at tilsette opplever at dei får brukt kompetansen sin på ein hensiktsmessig måte. 

Hjå oss brukar me årsturnus når me lagar arbeidsplan, dette gjev deg moglegheiter til å vera med å påverke eiga arbeidstid. Lange vakter i helgene gjev moglegheit til å få periodar med turnusfri for deg og gjev oss moglegheit til å gje kollegaene dine høg stilling. Dette fører igjen til ei kompetent og godt kjend kollegagruppe. At me nyttar langvakter på helg gjer at me er meir faste tilsette på jobb også på helg, noko som gjev god kontinuitet for både dei tilsette og pasientane