Ved Eigedomsavdelinga sin fagstab for drift og vedlikehald er det for tida behov for ein dyktig medarbeidar med bakgrunn innan adgangskontroll, innbrotsalarm og kameraovervaking. Du vil jobba i eit team på 4 - 5 personar med tverrfagleg bakgrunn. Arbeidsdagen vil vera variert, utfordrande og vanskeleg å planleggja. Men viktigast av alt, du vil ha det gøy på jobb. Kontorstad blir Bergen.
Eigedomsavdelinga er Vestland fylkeskommune sin fagavdeling for bygge- og eigedomssaker. Avdelinga skal ivareta fylkeskommunen sin byggherrefunksjon og er ansvarleg for forvaltning, drift, vedlikehald og utvikling av fylkeskommunen sine eigedomar. Eigedomsavdelinga har totalt ca. 400 tilsette over heile fylket. Vestland fylkeskommune har administrasjonsstader ved Bergen, Førde og Leikanger.
Det må påregnes noe reising i fylkeskommunen
Spørsmål om stillingen
Kontaktperson: Frode Pettersen
Stillingstittel: leiar
Mobil: 93 45 93 89
Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.
Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.
Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista blir offentleggjort.
Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.