1 ledige stillinger funnet med søkeord "lærar i helse og oppvekstfag 100 fast stilling sotra vgs"

Filtrer søk
Filtrer søk
lærar i helse og oppvekstfag 100 fast stilling sotra vgs
Back to job list
Tilbake

Lærar i helse- og oppvekstfag, 100 % fast stilling, Sotra vgs

Vestland fylkeskommune
Søk her!
Undervisning - Pedagogikk

Lærar i helse- og oppvekstfag

Sotra vidaregåande skule er ein kombinert skule med ni ulike programområde innan yrkesfag og studiespesialisering. Vi har i dag to skulestadar, ein på Bildøy og ein i Skogsvåg, med 800 elevar og 150 tilsette. I tillegg er vi vaksenopplæringssenter for Askøy og Øygarden, med ca. 150 vaksne elevar på ulike program.

Skulen legg vekt på å vere nyskapande og berekraftig. Vi har som mål at alle elevane fullfører skulegangen med eit høgt læringsutbytte. Skulen er eit inkluderande fellesskap der alle medverkar til fagleg og sosial utvikling. Vi har eit godt læringsmiljø der elevar og tilsette samarbeider om å skape ein læringsarena basert på tillit og respekt for kvarandre.

Vi søkjer etter lærar i helse og oppvekstfag i 100% fast stilling, med undervisningskompetanse på Vg2 Helsefag. Undervisning på Vg1 helse- og oppvekst eller på vaksenopplæring kan òg bli aktuelt som ein del av rulleringa av arbeidsoppgåvene.

Arbeidsoppgåver

  • Praktisk og teoretisk undervisning innan fagområdet helse og oppvekstfag.
  • Tett oppfølging av einskilde elevar og opplæringsbedrifter.
  • Skape og utvikle opplæringa i samarbeide med elevar, kollega og skuleleiing.
  • Halde seg informert om utvikling i bransjen, samt ha god kontakt med bedrifter.
  • Arbeide systematisk for at elevane skal lære, fagleg og sosialt òg for at dei skal få læreplass.

Kvalifikasjonar

  • Relevant fagbrev eller høgare utdanning.
  • Yrkeserfaring frå helsestsektoren.
  • 2-årig fagleg teoretisk utdanning utover fagbrev og praktisk pedagogisk utdanning, eller godkjent yrkesfaglærarutdanning.
  • Undervisningserfaring er ønskjeleg, men ikkje eit krav.
  • Gode IKT kunnskapar generelt og fagleg.
  • Til alle undervisningsstillingar er det krav om relevant fagleg og pedagogisk kompetanse.
  • Dersom formell undervisningskompetanse manglar, kan skulen legge til rette for å ta manglande teoretisk utdanning. Tilsetting kan skje på vilkår av at manglande fagleg og pedagogisk utdanning blir tatt.
  • Kommunisere godt på norsk munnleg og skriftleg.
  • Det vert vektlagt at søkjar er personleg eigna til stillinga.

Personlege eigenskapar

  • Vi ønskjer søkjarar med eit positivt syn på elevar, som er tydeleg vaksen og som er ein god rollemodell for ungdom.
  • Du har stort engasjement for faget.
  • Du bidrar til elevanes faglege og sosiale utvikling.
  • Du er fleksibel og ser moglegheiter.
  • Å vere eigna for arbeid med ungdom vil bli tillagt stor vekt.
  • Du har gode ferdigheiter i kommunikasjon og relasjonsbygging, både overfor elever og andre samarbeidspartar.

Vi tilbyr

  • Løn etter kvalifikasjonar.
  • Gode forsikrings- og pensjonsordningar.
  • Inkluderande og godt arbeidsmiljø.
  • Gode moglegheiter til eigen læring og utvikling.
  • Ein ambisiøs, nyskapande og berekraftig arbeidsplass.
  • Trimgrupper for tilsette.

Andre opplysningar

Den som tilsetjast må legge fram politiattest.

Spørsmål om stillingen

    Kontaktperson: Irene Tellnes Eide
    Stillingstittel: avdelingsleiar
    Mobil: 93 22 91 24

    Kontaktperson: Erik Henneli
    Stillingstittel: Assisterande rektor
    Mobil: 95 82 60 77

Søknadsfrist

15.05.2025

Ansettelsesform

Fast
Om Vestland fylkeskommune

Vestland fylkeskommune har ansvar for å utvikle Vestland fylke og å yte viktige tenester for samfunnet. Vi gir vidaregåande opplæring, tannhelsetenester og kollektivtransport til innbyggjarane i fylket. Vi har ansvar for vegsamband og legg til rette for næringsutvikling, fritidsopplevingar, kulturliv og inkludering. Klima og miljø er premiss for samfunnsutviklinga og som verdiskapingsfylke er Vestland ein nasjonal pådrivar for eit desentralisert Noreg.

Vi skal vere ein trygg og inkluderande arbeidsplass for alle, uavhengig av kjønn, alder, etnisk bakgrunn, religion, livssyn, funksjonsevne, seksuell orientering og kjønnsidentitet. Hos oss jobbar vi aktivt med mangfald, inkludering og likestilling. Mangfald bidrar til auka innovasjon, berekraft, effektivitet, læring og trivsel. Vi vil at dei som jobbar hos oss skal spegle samfunnet i Vestland.

Vi gjer merksam på at i følgje offentleglova § 25, 2. ledd, kan opplysningar om søkjaren bli offentleggjort sjølv om du har oppmoda om å ikkje bli ført på offentleg søkjarliste. Dersom du har bedt om unntak frå offentleg  søkjarliste vil du alltid bli varsla før søkjarlista blir offentleggjort. 

Alle nye tilsetjingar blir gjort med ei prøvetid på 6 månader. Administrasjonsmålet vårt er nynorsk.

Go to job list