Vestland fylkeskommune har ein sentral innkjøpsseksjon med totalt 20 tilsette. I tillegg har fleire av avdelingane i fylkeskommunen eigne innkjøparar som gjennomfører anskaffingar innafor det fagområdet avdelinga skal dekke. Ei av desse avdelingane er Eigedom og utbygging.
Eigedom og utbygging (EIU) er fylkeskommunen si fagavdeling for bygge- og eigedomssaker. Avdelinga skal ivareta fylkeskommunen sin byggherrefunksjon og er ansvarleg for forvaltning, drift, reinhald, vedlikehald og utvikling av fylkeskommunen sine eigedomar. EIU har òg ansvar for utbygging av Bybanen sin infrastruktur.

Avdelinga er delt inn i 5 seksjonar; Stab og forvaltning, System og utvikling, Utbygging, Drift og Bybanen Utbygging.
Då innkjøpsansvarleg i EIU skal gå av med pensjon, søkjer vi etter ein ny innkjøpar som skal gjennomføre innkjøp og ha rolla som fagkoordinator. Stillinga, med arbeidsstad Bergen eller Leikanger, ligg i Stab og forvaltning. Staben består av økonomiarbeidarar, kontorstøtte og til saman 3 innkjøparar. I tillegg er det samarbeid med innkjøpsseksjonen sentralt, som bistår med ressurs tilsvarande ein 100 % stilling.

Arbeidsoppgåver

• Kartlegge innkjøpsbehovet for anskaffingar knytt til byggeprosjekt, rammeavtalar, felles serviceavtalar og entreprisekontraktar.
• Utarbeide konkurransegrunnlag og kontraktsreglar i samarbeid med Utbyggingsseksjonen og Drifts- og vedlikehaldsseksjonen i avdelinga med fokus på kvalitet, kostnad og miljømessig berekraft.
• Publisere konkurransar, analysere mottekne tilbod, gjennomføre forhandlingar, dokumentere tilrådd løysing og ferdigstille kontraktar.
• Kontraktsoppfølging.
• Yte rådgjeving innan anskaffingsrett, alminneleg kontraktsrett og entrepriserett til prosjektleiarar, fagrådgjevarar og andre innkjøparar i EIU.
• Bidra til fagleg utvikling i teamet og delta aktivt i arbeidet med å vidareutvikle prosessar og rutinar.
• Sikre etterleving av regelverk, interne rutinar og etiske retningslinjer.

Kvalifikasjonar

• Ønskeleg med utdanning på masternivå frå universitet eller høgskule innan økonomi, rettsvitskap, tekniske fag, samfunnsvitskap eller liknande.
• Ved særskilt relevant erfaring kan søkjarar med utdanning på bachelornivå eller anna utdanning bli vurdert.
• Dokumentert erfaring og kunnskap frå arbeid med gjennomføring av offentlege anskaffingar.

Personlege eigenskapar

• Etterretteleg, strukturert og sjølvstendig
• Engasjert og gode evner til samhandling
• Fleksibel og open for nye utfordringar
• Du trivst med arbeidsoppgåver som har høg fagleg kompleksitet
• God munnleg og skriftleg framstillingsevne
• Høg etisk standard
• Høg arbeidskapasitet

Vi tilbyr

• Spennande og varierte oppgåver
• Eit tverrfagleg og inkluderande miljø med engasjerte og dyktige medarbeidarar
• Gode moglegheiter for fagleg utvikling
• Gode forsikrings- og pensjonsordningar
• Fleksibel arbeidstid
• Løn etter avtale

Spørsmål om stillingen

    Kontaktperson: Guro Klyve
    Stillingstittel: seksjonssjef
    Mobil: 98 21 22 67