2 ledige stillinger funnet med søkeord "off godkjent sjukepleiar ørstaheimen avd bakketun"

Filtrer søk
Filtrer søk
off godkjent sjukepleiar ørstaheimen avd bakketun
Back to job list
Tilbake

Off. godkjent sjukepleiar, Ørstaheimen avd. Bakketun

Ørsta kommune
Søk her!
  • Ørsta, Norge
  • 17/09/2024
Helse - Sosial - Omsorg

Er du sjukepleiar og ser etter nye utfordringar?  Vi søkjer etter ein fagleg engasjert og ansvarsfull medarbeidar som ønsker å vere med på å vidareutvikle ei teneste i endring. Du må  kunne jobbe sjølvstendig i ein hektisk kvardag men du vil få dyktige kollegaer på laget. Vi jobbar målretta med individuell pleie og omsorg med  høg kvalitet. Vi søkjer etter ein inspirert medarbeidar som kan bidra til optimal livskvalitet for den enkelte bebuar, og til fagleg utvikling av eininga.

Vil vil sikre at du får nødvendig fagleg utvikling og kompetanseheving gjennom e-læring og kurs.

Stillinga er pr. idag plassert på Ørstaheimen, avd. Bakketun. Bakketun er ei skjerma avdeling for demente med 16 plassar, fordelt på to grupper. Avdelinga er lokalisert på Ørstaheimen og vi samarbeider med andre faggrupper i kommunen. Vi legg vekt på at alle som bur her skal oppleve ein verdig alderdom i eit trygt miljø.

Vi jobbar med årsplanlegging og oppgåvedeling for å sikre fagkompetanse gjennom døgnet og året. 

Vi søkjer etter ein inspirert medarbeidar som kan bidra til optimal livskvalitet for den enkelte bebuar, og til fagleg utvikling av eininga.

Arbeidsoppgåver

Vi arbeider etter primærsjukepleieprinsippet og har fokus på ernæring, sosial aktivisering, tillitsskapande arbeid, velferdsteknologi og trivsel for den enkelte.

  • Sjukepleiefaglege oppgåver
  • Fokus på forebygging og støtte opp under  brukar sine eigne ressursar
  • Samhandle med brukar, pårørande og andre samarbeidspartar
  • Veiledning og opplæring av medarbeidarar
  • Utføre pleie og omsorgsoppgåver fagleg og etisk
  • Oppfølging og implementering av interne rutine og retningslinjer

Kvalifikasjonar

  • Søkjar må vere off. godkjent sjukepleiar
  • Det vert stilt krav om politiattest ved tilsetjing 
  • Må kunne nytte digitale fagsystem og velferdsteknologiske løysingar

Personlege eigenskapar

  • Du må ha eit ønske om å gjere ein god jobb i arbeid med menneske
  • Du må også ha interesse og gjennomføringsevne når det gjeld å gi brukarane godt innhald i dagane
  • Relevant arbeidserfaring
  • Likar utfordringar og takle raske endringar i arbeidsoppgåver
  • Du er utviklingsorientert og har gode kommunikasjons- og samarbeidsevner
  • Du arbeider målretta, strukturert og sjølvstendig 
  • Tek initiativ og ansvar
  • Du er engasjert, løysingsorientert
  • Søkjer faglege utfordringar
  • Er fleksibel og har evne til å arbeide sjølvstendig og saman med andre
  • Gode evner til skriftleg og munnleg framstilling. Kommunen nyttar nynorsk i all skriftleg kommunikasjon

Vi gjer ei heilskapleg vurdering av søkjarane og personlege eigenskapar vert vektlagde.
Referansar vert nytta og aktuelle søkjarar kan verte kalla inn til intervju.  

 

Vi tilbyr

  • Vi kan tilby eit godt arbeidsmiljø
  • Utfordrande og varierte arbeidsoppgåver
  • Kompetanseutvikling gjennom e-læring, internundervisning og kurs
  • Gode pensjons- og forsikringsordningar i KLP

 

Arbeidsvilkår: dag/kveld inkl. helgar
Det kan vere aktuelt å gi bonus for auka timetal på helg

Stillinga er plassert i HTA kap. 4 gr. 2 –  stillingar med krav om høgskuleutdanning
Stillingskode 7174 - Sjukepleiar  

Rekrutteringstilskot med bindingstid til nytilsette

Tilsetjing i samsvar med gjeldande lov-, forskrift og avtaleverk.

 

Dokumentasjon
Framlegging av vitnemål og attestar saman med søknaden er ein føresetnad for best mogleg sakshandsaming.  Vitnemål og attestar dannar grunnlag for fastsetjing av ansiennitet og rett løn.  Vi ber om at attestar og vitnemål vert lasta opp som vedlegg til søknaden din. 

Om offentleglova I samsvar med offentleglova § 25, kan opplysningar om søkjaren unnatakast offentleg søkjarliste, dersom søkjaren sjølv oppmodar om dette. Den som ønskjer at namnet skal vere unnateke offentleg søkjarliste må grunngje dette. Søkjaren sine behov vil verte vurdert konkret opp mot omsynet til offentleg interesse og kravet om ålment innsyn. Elles vil oppmodinga verte vurdert i høve prinsippet om meirinnsyn på vanleg måte. Dersom kommunen meiner at det ikkje er grunnlag for fritak, vil søkjaren verte kontakta og få tilbod om å trekkje søknaden før endeleg søkjarliste vert laga.

Kontaktinformasjon

Kyrre Skavøy
Avd.leiar
E-post: kyrre.skavøy@orsta.kommune.no
 
Wenche Flo
Tenesteleiar Omsorg og sjukeheim
E-post: wenche.flo@orsta.kommune.no

Søknadsfrist

Snarast

Ansettelsesform

Fast
Om Ørsta kommune

Ørsta - hjartet av Sunnmørsalpane

Ei av dei største landbrukskommunen i Møre og Romsdal, og jordbruk er ei viktig næring. Likevel er Ørsta framfor alt ei industrikommune med eit breitt og variert industrimiljø, hovudsakleg med møbel-, metallforedlings- og næringsmiddelindustri med til dømes meieri og fiskeindustri.

Innbyggjartalet er knapt 10 700, og av desse bur om lag 6 500 i kommunesenteret. Ørsta er ein aktiv kulturkommune med meir enn 350 lag og foreiningar.    Ørsta har gode kommunikasjonar. Ørsta/Volda Lufthamn Hovden har daglege flysamband med Bergen og Oslo. På Rystelandet er det djupvasskai. Ørsta er trafikkknutepunkt for kyststamveg E39 og FV655.

Les meir om Ørsta

Go to job list