| Søknadsfrist: |
30.09.2024
|
Geodata og oppmåling er ei avdeling med fire årsverk, organisert i verksemda Plan og forvaltning.
Avdelinga er ansvarleg for utvikling og vedlikehald av kommunen sitt geografiske informasjonssystem, oppmåling og sakshandsaming etter lov om eigedomsregistrering og seksjonering. Vi bruker Winmap kartsystem og Gisline landmålingsprogram, samt Leica GNSS og totalstasjon.
Me søkjer deg som landmåler, med vilje og evne til å ta i bruk ny teknologi som vidare kan delast med avdelinga.
"Me skal gjera kvarandre gode" er leveregelen for oss som jobbar i Time kommune.
Me bruker innovasjon for å utvikla og forbetra tenestene i lag med brukarane. Time kommune skal vera ein trygg og framtidsretta kommune for innbyggarar, besøkande og næringsliv. Time kommune har ca. 18 900 innbyggarar og ligg midt på Jæren, med Bryne som regionssenter og haldeplass for Jærbanen.
Time kommune er opptatt av mangfald og me oppmodar derfor alle som er kvalifiserte til å søka hos oss, uansett alder, kjønn, etnisitet, religion, funksjonsevne, seksuell orientering og kjønnsidentitet. Me gjer merksam på at opplysningar om søkaren kan verta offentleggjort, sjølv om ein har bede om å bli unntatt offentlegheit. Søkar vil verta varsla før offentleggjering.