| Søknadsfrist: |
Løpande
|
Som vernepleiar får du no både kr 100 000 i rekrutteringstilskot og kr 35 000 høgare årsløn!
Me har ledig 100% fast stilling som vernepleiar ved institusjonstenester frå 02.09.24. Har du ein annan bachelor innan helse og omsorg er du også velkomen til å søke.
Helsetunet har 24 plassar fordelt på tre avdelingar, korttid / langtid, sjukeheimsavdeling og avdeling for personar med kognitiv svikt.
Me har lyse og trivelege omgjevnader med gode fasilitetar, utstyr og hjelpemiddel. Her har me eige kjøken, der det blir laga god og næringsrik tradisjonsmat frå botnen.
Avdelinga institusjonstenester er organisert i kommunalområde helse og omsorg. Det er om lag 30 tilsette ved institusjonen.
Me jobbar etter årsplan, som blir laga etter ynskje frå dei tilsette så langt det let seg gjere.
Me kan prøve å tilpasse vaktene slik at du kan pendle.
Håpar at du vil bu i den fine kommunen vår, passar det ikkje for deg å bu her, så søk stillinga likevel.
Aurland kommune vil stimulere til rekruttering av vernepleiarar og sjukepleiarar ved å yte rekrutteringstilskot.
Tilskotet er på brutto kr 50 000,- per år i to år frå tilsettingsdatoen. Rekrutteringstilskotet vert ytt som ein eingongssum à kr 100 000,- i etterkant av dei to første åra som tilsett.
Rekrutteringstilskotet er tidsavgrensa i perioden 2022-2026 og gjeld for stillingar der det blir stilt krav om minimum bachelorgrad som vernepleiar / sjukepleiar.
Sjå gjerne informasjonsbrosjyre om kommunen vår her.
Me oppfordrar studentar om å søke.
Me søkjer deg som er motivert til å jobbe innan eldreomsorg, og er engasjert og interessert i faget. Har du evne til å vere audmjuk, er fleksibel og løysingsorientert? Me legg stor vekt på personlege eigenskapar og er opptatt av gode samarbeids- og kommunikasjonsevner, at du tek initiativ, og har evne til å arbeide både sjølvstendig og i team. Me vonar du har godt humør og er til å stole på. Likar du å arbeide i eit godt arbeidsmiljø med nye utfordringar, og i tillegg brenn for faget - då ynskjer me deg på laget.
Våre verdiar er: L-Æ-R, som står for Likeverd, Ærlegdom og Respekt.
Aurland kommune praktiserer meiroffentlegheit og kunngjer forenkla søkjarlister til ledige stillingar. Søkjarar, som har oppmoda om at namnet blir unnateke søkjarlista, må krysse av for dette og grunngje valet i søknadsteksten. Me tek kontakt med søkjarar som har bedt om dette, dersom me meinar at grunngjevinga ikkje er tilstrekkeleg.
Kommunen sitt administrasjonsspråk er nynorsk.
Mangfald kan gje oss eit breiare perspektiv. Medarbeidarar med ulik livserfaring og fagkombinasjonar kan gjere oss i stand til å finne gode løysingar i kommunen vår. Me oppfordrar derfor alle til å søke jobb utan omsyn til alder, kjønn, funksjonsevne eller etnisk bakgrunn. Du er også velkomen til å søke sjølv om du ikkje kan syne til ei samanhengende yrkeskarriere.
Me ynskjer deg velkomen som arbeidssøkar i Aurland kommune.
Spørsmål om stillinga
Ingrid Finden Bekkedal
avdelingsleiar institusjon
95984639
ingrid.finden.bekkedal@aurland.kommune.no
Aurland kommune ligg vakkert til ved Sognefjorden, sentralt ved E16 mellom Oslo og Bergen. Me ynskjer å vera Noreg sin fremste kommune på heilårsturisme, og har eit mangfaldig næringsliv i vekst. Me er om lag 1800 innbyggjarar fordelt på bygdene Aurlandsvangen, Undredal, Flåm, Gudvangen og Vassbygdi. Aurland kommune satsar spesielt på trygge oppvekstkår, nærings- og bustadutvikling og god tenesteyting. Kommunen har gode kultur- og idrettstilbod både for små og store, som til dømes basseng, musikkskule, klatring, handball, fotball, friidrett og boksing.